Општина Неготино

Мени

ЈАВНИ НАБАВКИ

Пријави проблем

Проектот за локална и регионална конкурентност (ПЛРК)

Службен гласник

Моја - општина

Skopjediem

КАЛЕНДАР НА НАСТАНИ

КАЛЕНДАР НА НАСТАНИ ОПШТИНА НЕГОТИНО 2022

Beeconomy

Кодекс за административни службеници

Програма за ЕЕ

Програма за енергетска ефикасност

Барање за надоместок за новородено дете

Општина Неготино

Во Неготино се одржуваат информативни денови за земјоделците

There are no translations available.

Денеска и утре Неготино е домаќин на информтивните денови за земјоделците кои се одржуваат во рамките на проектот „Заштита на водните ресурси со намалување на човековото влијание врз животната средина“ од ИПА програмата за прекугранична соработка кој се спроведува заеднички со водечкиот партнер, општина Алмопија од Грција, комуналното претпријатие од Алмопија и ЈП Комуналец од нашиот град. Во име на градоначалникот на општина Неготино Тони Делков кој поради службени обврски не можеше да присуствува на настанот, присутните ги поздрави и им посака успешна работа секретарот на општина Неготино Ивица Златковиќ, воведно обраќање имаше директорката на „Коминалец“ Марина Бојаџиева, проектниот менаџер Лолита Ристова изврши презентација на проектот „Заштита на водните ресурси со намалување на човековото влијание врз животната средина“ (Wa-mbrella), а за моменталната состојба со животната средина во општина Неготино говореше клучниот експерт за води и биодиверзитет Ѓоко Зороски, кој воедно се осврна и на заштитата на животната средина со акцент на управување со водните ресурси и примена на заштитните средства при земјоделските активности. Главната цел на проектот е одржливо управување со водата преку најважните начини на нејзино користење и тоа во 3 сфери: 1-наводнување, 2-водоснабдување и 3-канализација, а намерата е преку проектот да се намали преголемата експлоатација и деградација на водата, како и намалување на еколошките влијанија на човековите активности преку одржливо користење на природните водни ресурси во екосистемите на прекуграничната област. Предложено е вкупното времетраење на проектот да биде 22 месеци, истиот се спроведува во 3 фази, при што во тек е втората фаза од развојот на проектот кога ќе бидат преземени и најважните проектни активности. Земјоделците како целна група на овие информативни денови, покрај експертските излагања кои имаа и ќе имаат можност да ги слушнат овие два дена, имаа можност да даваат свои предлози и препораки во правец на преземање активности за подобрување на состојбите во општина Неготино.Вториот отворен ден за земјоделците ќе се одржи утре (четврток) во големата сала на општина Неготино со почеток од 10,00 часот.

There are no translations available.

Општина Неготино ги информира земјоделците дека на 13 и 14 март (среда и четврток) со почеток од 10,00 часот во големата сала на локалната самоуправа ќе се одржат информативни денови кои се одржуваат во рамките на проектот „Заштита на водните ресурси со намалување на човековото влијание врз животната средина“. Поканата е отворена и важи за сите заинтересирани земјоделци од нашата општина. Целта на информативните денови е да се презентира состојбата со животната средина и управувањето со водните ресурси во општина Неготино со осврт на влијанијата брз квалитетот на водата и животната средина од вршење земјоделски активности и примена на заштитни средства, како и примена на добри практики за наводнување на полињата и употреба на заштитни средства за културите со цел поттикнување на органското производство.

П О К А Н А

А Г Е Н Д А

Во Неготино одбележан светскиот Ден на енергетска ефикасност

There are no translations available.

Во присуство на претставници од македонската Агенција за енергетика во Неготино се одбележа Денот на енерегетската ефикасност. Во оваа прилика на пригоден начин директорот на Агенцијата за енергетика Нехри Емрула на градоначалникот на општина Неготино Тони Делков му го врачи позитивното мислење од Агенцијата за енергетика за подготвената тригодишна Програма за енергетска ефикасност на општина Неготино за период 2019- 2021 година, изработена од вработените во Заедничкото одделение за енергетска ефикасност на Вардарскиот плански регион. Од страна на раководителот на Заедничкото одделение за енергетска ефикасност на Вардарскиот плански регион Ванчо Петров за граѓаните на општина Неготино беше одржана презентација на тема „Енергетска ефикасност во домови и објекти“. Присутните имаа можност да се запознаат со можностите и придобивките од постигнување на поголема енергетска ефикасност во нивните домови и потенцијалите на обновливи извори на енергија и енергетска ефикасност во општина Неготино. По презентацијата, присутните и гостите од Агенцијата за енергетика ги посетија просториите на Заедничкото одделение за енергетска ефикасност на Вардарскиот плански регион и се запознаа со неговата опременост и работа.

There are no translations available.

Денеска учениците, вработените и присутните гости со низа пригодни активности го одбележаа патрониот празник на Основното општинско училиште „Страшо Пинџур“ од Неготино. Од страна на присутните на прославата, најпрво се положи цвеќе пред спомен-бистата на патронот-загинатиот херој Страшо Пинџур, за веднаш потоа со пригоден говор директорот на училиштето Сашо Ѓорѓиев да ги поздрави присутните гости, по што следуваше богата културно уметничка програма подготвена и изведена со учествуво на ученици и наставници од ООУ„Страшо Пинџур“. Одбележувањето на патрониот празник се искористи за доделување пригодни подароци на тројца пензионирани вработени во училиштето, а исто така награди и признанија им беа доделени на учениците-автори на најдобрите трудови по предходно распишаниот конкурс од страна на училиштето за ученици од петто до осмо одделение.

There are no translations available.

Од локалната самоуправа ги информираат граѓаните на општина Неготино дека е започната координирана активност за интензивно присуство на комуналните редари на терен, нивно интервенирање и изрекување соодветни казнени мерки за секое лице кое ќе биде затекнато како фрла отпад на несоодветни места за тоа, односно на диви депонии и локации надвор од градот. Се апелира до населението, доколку имаат потреба, отпадот да го носат на соодветна локација за тоа,а за помош и поддршка слободно можат да се обратат до општинските комунални редари. Исто така, со цел за елиминирање на појавата на неконтролирано исфрлање на отпадот, се апелира до граѓаните ако забележат, да пријават фрлање на отпад на несоодветна локација и доколку се во можност тоа да го документираат со фотографија. Секој граѓанин може да пријави неправилности на телефонските броеви на општинските комунални редари 078/484-953 и 078/213-814 кои ќе излезат на терен, ќе ја согледаат фактичката состојба и доколку е потребно, ќе преземат соодветни дејства и ќе изречат казнени мерки.

Неготинските наставнички Димова и Вељановска меѓу најдобрите во регионот

There are no translations available.

Деновиве во Кинотека на Македонија се одржа Првата регионална конференција на најдобрите наставници од повеќе држави од регионот. Конферецијата беше организирана од Асоцијацијата на најдобри наставници на чело со најдобрите наставнички во светски рамки Весела Богдановиќ и Жељана Радојчиќ- Лукиќ а со поддршка на Просветно дело и амбасадорите проф. д-р Кирил Барбареев, проф. д-р Сузана Киранџиска и м-р Ксенија Маказлиева- Трајчева,и имаше за цел да ја развие идејата за вмрежување и соработка на најдобрите наставници од регионот. Беа промовирани 40-те најдобри наставници од овие простори кои се избрани според критериуми за високи достигнувања на меѓународно и државно ниво, залагања во локалната заедница, учество во меѓународни и државни проекти, учество на конференции, издадени трудови во областа на педагогијата и сл. На листата на најдобри наставници се најдоа и две наставнички од нашиот град, наставничката по Музичко образование во ООУ "Гоце Делчев", м-р Павлинка Вељаноска и наставничката по информатика во ООУ "Страшо Пинџур" Георгина Димова.