|
There are no translations available.
 Во рамките на проектот „Енергетска ефикасност во прекугранична област како индикативен фактор на политиката на животна средина“ се одржа вториот информативен настан на кој СОУ„Св. Кирил и Методиј“ беше промоворано во енергетски ефикасно училиште. Во своето обраќање пред професорите, учениците и останатите присутни гости градоначалникот на општина Неготино Тони Делков го сподели задоволството од успешно завршените работи кои во летниот период интензивно се спроведуваа и со чија реализација за прв пат после 25 години од започнувањето со работа на училиштето се создадоа услови за промоција на СОУ„Св. Кирил и Методиј“ како енергетски ефикасно училиште. Замената на постоечките прозорци со енергетски ефикасни, поставените панели соларни колектори, инсталацијата на цевки со автоматизација, на пумпи и бојлери, придонесе за значително подобрување на условите за непречено одвивање и следење на воспитно-образовниот процес за сегашните и идните генерации ученици кои овде се школуваат. Со интервенциите во спортската сала, која покрај учениците ја користат и бројни спортски екипи и рекреативци, се подобрени условите за спорт и рекреација во насока на создавање услови со здраво тело и здрав дух. Исто така, градоначалникот Делков јавно апелираше во наредниот период сите заедно да работат на изнаоѓање дополнителни средства за замена и на останатите прозорци и врати во ходниците и во холот на училиштето за целосно зајакнување на енергетската ефикасност. Присутните, но и пошироката јавност, беа информирани дека во рамките на истиот проект Енпол-ЕЕ за партнерот општина Неготино, во моментов се одвиваат интервенции за подобрување на енергетската ефикасност и во просториите на локалната самоуправа во зградата на општина Неготино, како и тоа дека општина Неготино ќе изврши замена на јавните светилки во градот и населените места со нови-лед технологија преку поставување на нови 1.410 штедливи светилки во цела општина. На информативниот ден свои обраќања имаа директорот на училиштето Драган Василев, координаторот на проектот Цветанка Ристова, беа дистрибуирани ЕЕ беџови и се одржа парада на учениците од училиштето до градскиот парк. |
|
Read more...
|
|
|
There are no translations available.
 Во петок на 13-ти овој месец општина Неготино и средното општинско училиште ќе бидат домаќини на вториот по ред информативен настан „Промоција на енергетски ефикасно училиште СОУ„Св. Кирил и Методиј“. Станува збор за проект енергетска ефикасност во прекугранична област како индикативен фактор на политиката на животна средина, а настанот ќе се одржи во просториите на неготинското средно училиште во времето од 11,30 до 13,30 часот. Според агендата за работа, најнапред поздравно обраќање ќе има директорот на училиштето Драган Василев, за значењето и ефектите од проектот ќе говори градоначалникот на општина Неготино Тони Делков, како и координаторот на проектот Цветанка Ристова. Во рамките на настанот ќе се дистрибуираат беџови за ЕЕ училиште со помош на 15 волонтери, ќе се изврши обиколка на училиштето со цел разгледување на извршената реконструкција, по што ќе следува парада на учениците на ЕЕ училиште СОУ„Св.Кирил и Методиј“ од училиштето до зградата на општина Неготино и градскиот парк. |
|
There are no translations available.
 По повод одржувањето на Традиционалниот неготински панаѓур, како најава за истиот и оваа година на 19 септември (четврток) ќе биде организирана познатата “Неготинска вечер” со музички настапи на докажани музички имиња од македонската народна и забавна естрада. Настанот ќе се одржи на старата градска чаршија, а ќе започне во 20 часот со настапот на Марјан Коцев придружуван од Галакси бенд, а во блокот со народна музика подоцна свој настап ќе има и извонредниот блех оркестар Агушеви. Во рамките на забавниот блок, кој се планира да започне околу 22 часот ќе настапат познатите музички имиња Ѓоко Танески и Кристина Арнаудова со своите бендови, а на полноќ планиран е настапот на едно од најпознатите имиња на домашната електронската музичка сцена - ди-џеј Никифор, со чиј настап ќе биде заокружено овогодинешното издание на оваа музичка манифестација. Водител на Неготинската вечер ќе биде нашиот сограѓанин, познатиот актер Роберт Ристов. |
|
There are no translations available.
 Веќе извесен период во зградата на општина Неготино се изведуваат градежни активности како дел од реализацијата на компонентата „Интервенции за енергетска ефикасност во зградата на општина Неготино“. Се врши замена на постоечките прозорци и врати со енергетски афикасни, постоечкото осветлување се менува со ЛЕД светилки, се поставува внатрешна изолација на фасадните sидови и замена на постоечките радијатори со нови и тоа во 15 простории и ходници на локалната самоуправа. Овие активности се во рамките на проектот „Енергетска ефикасност во прекугранична област како индикативен фактор на политиката на животна средина“ Енпол-ЕЕ од Програмата за прекугранична соработка со Грција каде општина Неготино е партнер 2 во проектот. Изведувач на работите е градежната компанија „Анол Импекс“ од Скопје и според договорот времетраењето на работите е планирано да трае 3 месеци. Договорната вредност на оваа компонента за подобрување на енергетската ефикасност во општинската зграда е 34.410 евра без ДДВ, додека севкупната вредност на проектот Епол-ЕЕ е 315.979 евра. Овие средства се 85 проценти обезбедени од ЕУ и 15 проценти се национално кофинансирање.
|
|
Read more...
|
|
There are no translations available.
Општина Неготино ги информира сите заинтересирани правни и физички лица дека од наредната недела, на 13 и 14 септември (петок и сабота) ќе се врши распределба на тезгите за Неготинскиот панаѓур на постојаните корисници на местата за поставување на тезги, за што тие треба да имаат и да достават потврда од минатогодишниот панаѓур. Останатите слободни места за тезги ќе се распределуваат на 16 септември (понеделник) до салата за состаноци на општина Неготино на приземјето на зградата. Исто така, се информираат заинтересираните угостители дека до локалната самоуправа треба да достават тековна сметка, санитарна книшка за лицето кое работи со храна, барање за користење на простор и уплатница од 400 денари за потребите на Агенцијата за храна и ветеринарство. |
|
There are no translations available.
Општина Неготино во соработка со Центарот за развој на Вардарскиот плански регион реализираше и во тек е реализација на повеќе проекти кои се од интерес за граѓаните на општината. Меѓу другото, во тек се активности за спроведување на проектот Валоризација на културното наследство преку доуредување на Спомен-костурницата со обезбедено сопствено учество од 3.454.889 денари, а останатите средства во висина од 3.625.411 денари се од Министерствто за локална самоуправа-Биро за регионален развој преку апликантот ЦР на ВПР. Со проектот се изведуваат скали, изградба на фонтана, паркинг-простор, трим патеки, пешачки патеки, летна сцена, поставување на фиксни клупи за седење и преуредување на други платформи со гранитни коцки. Дел од овој проект се и поставување електрика, водовод и комплетно хортикултурно уредување на просторот кај Спомен-костурницата. Преку ЦР на Вардарскиот плански регион,со средства од Програмата за финансиска поддршка на руралниот развој, мерка-подобрување на квалитетот на живот во руралните средини преку изградба на локална патна инфраструктура за поврзување меѓу две или повеќе населени места одобрен е проект за изградба на дел од патниот правец Г.Дисан-Вешје во должина од 460 метри. Вредноста на инвестицијата е 9.380.932 денари, а општина Неготино го обезбедува потребниот износ од 1.794.768 денари за ДДВ. Во тек е постапка за јавна набавка, по што ќе започне и реализацијата на овој проект. Исто така, се изврши и санација на околу 400 метри од патниот правец Д.Дисан-Тремник со што се постигна целта за олеснување на пристапот на земјоделците од овој регион до земјоделско обработливо земјиште со површина од околу 600 ха застапени претежно со лозови и овошни насади и житни култури. Еден од одобрените проекти на општина Неготино во соработка со ЦР на ВПР е Изготвување на техничка документација и ревизија на истата за изградба на јужна и северозападна обиколница во општина Неготино, при што во тек е изработка на комплетна техничка документација за ул. Новопроектирана 1, 2 и 3 со сите потребни детали. Станува збор за 3 потези од јужната обиколница со нивна вкупна должина од 3.400 метри. Делот пак Северозападна обиколница предвидува комплетна техничка документација за новопланираната обиколница од северозападниот дел од Неготино. Планираната обиколница е со должина од околу 3.000 метри и приклучни патишта до постоечката сообраќајна мрежа во должина од околу 2.500 метри. Вредноста на овој проект е 3.624.960 денари обезбедени од Бирото за регионален развој, а во тек е постапка за јавна набавка која ја спроведува ЦР на ВПР. Општина Неготино преку ЦР на ВПР аплицираше и за проектот- Пристапен земјоделски патен правец Калдрма во должина од 580 метри со средства од Агенцијата за финансиска поддршка на земјоделието и руралниот развој за изградба на инфраструктура за пристап до земјоделско земјиште. Преку апликација на ЦР на ВПР до амбасадата на Јапонија во нашата држава се обезбедија средства со кои се изврши комплетно поставување на парно греење во сите простории на подрачното училиште во Д.Дисан со што после долги години ќе бидат затоплени сите простории во ова училиште.
|
|
|
|
|
<< Start < Prev 111 112 113 114 115 116 117 118 119 120 Next > End >>
|
|
Page 111 of 314 |
