Во текот на денешниот ден екипи на ЈП „ Комуналец “ Неготино работеа на отстранување односно чистење на песокот и солта, кои беа фрлени на улиците низ целиот град поради врнежите од снег кои паднаа изминатата недела. Екипите на терен започнаа со чистење на главната улица „ Маршал Тито “ до излезот со Кавадарци. Се чистеше улица „ Партизанска “ од центарот до ЈП „ Комуналец “ како и улица „ Борис Кидрич “ до ЈЗУ „ Здравствен дом “ Неготино.

  Со санацијата предвидено е да се изврши замена на оштетената подлога со тампонски слој, прередување на бекатон коцките и рабниците од тротоарите како и замена на оштетените елементи од истите.  Градежните активности на терен се очекува да завршат во рок од две до три недели.  Изведувач на градежните активности е фирмата ПАВЕР ТРЕЈД ДООЕЛ - Кавадарци, а надзор е фирмата МГ ПРОЕКТ ДООЕЛ - Скопје.

   Во тек се градежни активности за изградба на улица во село Криволак во должина од 250 метри. Со изградбата предвидено е да се реши долгогодишниот проблем и да се подобри квалитетот на живеење на жителите од село Криволак.
Изведувач на работите е фирмата ГРАДБА ПРОМЕТ ДОО од Кавадарци, а за надзор е избрана фирмата МГ ПРОЕКТ ДООЕЛ Скопје.  Рок на извршување на градежните работи е 60 денови.

  Денес во големата сала на Општина Неготино, почитувајќи ги мерките и препораките за заштита од Корона вирусот,  беа доделени наградите од натпреварот за најдобри вина и ракии од индивидуални производители - реколта 2020.
Во категорија најдобри црвени вина:
1 место – Влатко Цветановски
2 место – Ивица Златковиќ
3 место - Горан Јаковлевски
Во категорија најдобри бели вина:
1 место – Гоце Попов
2 место – Гоце Станоески
3 место – Тоше Николов
Во категорија најдобра ракија:
1 место – Горан Јаковлевски
2 место – Бранко Вељанов
3 место – Кирил Андов
Најдобра овошна ракија  - Лилјана Луканова
Најдобра мастика – Никола Манчев
Општина Неготино им честита на сите наградени и им посакува оваа 2021 година производство на уште подобри вина и ракии.