Општина Неготино преку програмата за финансиска поддршка на руралниот развој до Агенцијата за финансиска поддршка на земјоделството и руралниот развој аплицираше со 3 проекти, а најновите информации се дека сите три проекти се одобрени за реализација. Станува збор за проекти преку чија реализиција ќе се подобрува инфраструктурата во дел од населените места во неготинска општина и на тој начин ќе се создадат поквалитетни услови за живеење на тамошното население. Со одобрените средства предвидена е изградба на 3 улици во Тимјаник во должина од над 1.000 метри, потоа изградба на линиска патна инфраструктура за поврзување на село Калањево со излетничкиот локалитет Бела вода во должина од 650 метри, како и реконструкција и асвалтирање на 800 метри од патниот правец Горни Дисан-Вешје. Градоначалникот Апостолов истакнува дека штом се создадат неопходните услови, мошне скоро ќе започнат и градежните работи на терен.

   Градоначалникот Ванчо Апостолов и општина Неготино преку проект за прекугранична соработка ги обезбедија потребните финансиски средства кои ќе бидат наменети за почеток на изведувањето на работите за реконструкција и асвалтирање на  патниот правец Горни Дисан-Вешје. Имено, воспоставената меѓународна соработка меѓу општина Неготино и општина Алмопија резултираше со заедничка работна средба помеѓу претставниците на двете општини при што градоначалниците на Неготино Ванчо Апостолов и на Алмопија Димитрос Мпинос извршија официјално потпишување на Договорот за соработка на заеднички проект меѓу двете општини. Инаку, покрај овие средства,  за компплетна реконструкција на патот Горни Дисан-Вешје за кој веќе е изработена и техничката документаци, да истакнеме дека истиот е влезен во програмата за меѓународна соработка меѓу Република Македонија и Република Словенија, потоа преку програма на Министерството за финансии и Светска банка со користење средства од ЕУ ИПА грантот наменети за подобрување на патната инфраструктура, како и преку програмата на Агенцијата за финансиска поддршка на руралниот развој и земјоделието на Република Македонија. Тоа значи дека реконструкцијата и асвалтирањето на целиот патен правец Горни Дисан-Вешје во должина ќе биде финансиран од повеќе извори, а дел од средствата ќе ги обезбеди и општина Неготино.

Од  Јавното комунално претпријатие „Комуналец“ ги информираат граѓаните на општина Неготино дека поради отстранување на дефект, утре 07 јули (петок) ќе има прекин во водоснабдувањето во периодот од 09 до 17 часот. Како што известуваат  од Комуналец, станува збор за отстранување на дефект на главниот доводен цевковод кој е лоциран на територијата на општина Кавадарци и токму затоа во текот на утрешниот ден стручни екипи на комуналното претпријатие ќе бидат присутни на терен и ангажирани на отстранување на дефектот, а заради непречено изведување на истите, ќе мора да се сопре водата која доаѓа од Лукар до домовите на неготинци. Од Комуналец ги замолуваат граѓаните за разбирање и ги информираат дека веднаш по завршувањето на активностите на терен, водата ќе протече во главниот водоснабдителен систем на Неготино.

   Во рамките на проектот општинско-корисна работа „Развој на постојните и обезбедување на нови иновативни услуги во социјалната сфера во општина Неготино, во 7-те игрални за предучилишни деца во населените места Тимјаник, Криволак, Пепелиште, Цр. Брегови, Д.Дисан, Тремник и Војашнци беше одржана советодавно-едукативна работилница со родителите и децата. Темата на оваа работилница беше „Сообраќај“ и е прва од планираните 3 од ваков карактер до крајот на годината. Овие работилници се одржаа на 13.07 во Криволак, на 14.07 во Пепелиште, Тимјаник, Цр. Брегови и Војшанци ина 15.07 во Тремник. Преку овие работилници, покрај воспитно-едукативната компонента со родителите на децата, воспитувачите и асистентите се развива и отворена комуникација и соработка со средините каде што функционираат овие игрални и претставуваат иновативна социјална услуга која се одржува веќе четврта година по ред и тоа со средства обезбедени од општинскиот буџет и со средства обезбедени од УНДП, АВРМ И МТСП во делот на дополнителен помошен кадар. Инаку, игралните во овие средини ги посетуваат околу 110 деца на возраст од 3,5 до 5,5 години.