Во втората половина на месец ноември комплетно ќе завршат градежните работи околу изградбата на новиот резервоар за вода во Тимјаник кој е лоциран веднаш до постоечкиот, со тоа што водата од новиот резервоар ќе биде наменета за корисниците од Неготино кои живеат во високите зони. Инаку, станува збор за резрвоар со зафатнина од 500 метри кубни кој претставува целина од 2 независни водни комори од по 250 метри кубни, дистрибуцијата на водата ќе се овозможи преку одводен цевковод, а целиот комплекс околу резервоарот ќе биде ограден со столбови од челични профили. По ставањето во функција на новиот резрвоар, постоечкиот од 150 метри кубни вода ќе биде наменет само за жителите на Тимјаник, а водата од новиот за населението од Неготино од високите зони. Ова е уште еден од неколкуте проекти кои општина Неготино ги реализира за долгорочно решавање на деценискиот проблем со водоснабдувањето.

Врз основа на Одлука на градоначалникот на општина Неготино  бр.05-307 од 28.09.2016 за утврдување на потреба од УСЛУГИ  за  Развој на  прекугранична он-лајн дата база на процедури,производители и производи,Развој на прекугранична е-комерцијална платформа за пчелни производи и подготовка на Водич за пчелни производи- Повик за инвеститори,, со бр. на Договор за грант: IPA2010/DN23657/CN358809 и  АДЕНДУМ бр. 1 на Доворот број IPA2010/DN23657/CN358809  од 06.07.2016 од општина Неготино објавуваме ПОКАНА ЗА ПОНУДА за УСЛУГИ  за  Развој на  прекугранична он-лајн дата база на процедури,производители и производи,Развој на прекугранична е-комерцијална платформа за пчелни производи и подготовка на Водич за пчелни производи- Повик за инвеститори,,за проектот,,BEE CONOMY”опишано во тендерскaта документација 05-307.

Тендерската документација подготвена согласно процедурите на ЕУ( PRAG) е достапна во проектната канцеларија во општина Неготино –Канцеларија за локален економски развој на 3 спрат во општина Неготино од 8:00-16:00 часот, почнувајќи од 05.10.2016 година.Доколку сте заинтересирани истaта може да Ви биде пратена електронски или по пошта  поставена на ЦД. Вашата понуда треба да ја добиеме најкасно до 25.10.2016 до 12.00 часот.Отварањето на понудите ќе биде јавно во 14.00 часот истиот ден.

   Со средства добиени со посредство на Вардарскиот плански регион, а преку Бирото за регионален развој и Министерствата за локална самоуправа и за транспорт и врски, веќе извесен период на терен се одвиваат градежни работи за инфраструктурно уредување на Урбаната заедница 8 во Неготино. Станува збор за потегот од десната страна на излезот од Неготино кон Кавадарци каде што се лоцирани и функционираат повеќе стопански субјекти кои имаат потреба од уредување на овој простор со цел за полесно одвивање на нивните работни активности. Станува збор за проект со кој се уредуваат 3 улици во УЗ 8 од кои 2 ќе бидат пробиени и тампонирани, а една пробиена, тампонирана и комплетно асфалтирана. Исто така, ќе се постави и водоводна, атмосферска и фекална мрежа на целиот простор од оваа индустриска зона. Се очекува работите да завршат во рок од 4 месеци.

  Од 4-ти октомври започна да тече и до 21 октовмри оваа година трае рокот за поднесување кандидатури за добитници на наградата и признанијата по повод празникот на општина Неготино-8-ми Ноември. Општина Неготино го објави огласот за пријавување на кандидатури за добитници на највисоките општински награди и признанија кои се доделуваат по повод празникот на општината 8-ми Ноември-Денот на ослободувањето на Неготино. Како што информираат од локалната самоуправа признанијата се доделуваат секоја година како израз на највисоко општинско признание што се доделува за посебни постигнувања во одредени области на поединци и институции од општината. Според одлуката, наградата и признанијата по повод 8-ми Ноември се доделуваат на поединци, претпријатија и други организации, установи, здруженија на граѓани и заедници чии дела, односно резултати во работењето и дејствувањето, придонесле за нивна лична и афирмација на општина Неготино. Право на поднесување на кандидатури за добитници на наградата и признанијата имаат сите заинтересирани граѓани, претпријатија, установи, здруженија, месни заедници и групи граѓани, а крајниот рок за доставување предлози е петок 21 октомври. Процедурата вели дека пристигнатите предлози најпрво ги разгледува Комисијата за награди и признанија при општинскиот совет, а конечната одлука за добитниците ја донесуваат советниците во Советот на општина Неготино. Наградите и признанијата на добитниците градоначалникот на општина Неготино Ванчо Апостолов ќе им ги додели на свечената седница која ќе се одржи во вторник на 8-ми Ноември Денот на ослободувањето на нашиот град.