Во рамките на проектот ,,Водоснабдување и одведување на отпадни води” на Министерството за транспорт и врски кои се  дирекно финансирање преку ЕИБ од општина Неготино подготвена е и поднесена е  апликација за: Проект за  уредување на дел од  инфраструктура во индустриска зона УЗ8-водовод и канализација во тек на 2016 г.Истата е одобрена во Брисел во Европска Инвестициона Банка .Проектирана вредност е 20.840.000,00  МКД , додека крајната вредност на проектот ќе се утврди по спроведување на тендерскaта постапка која е во тек и објавена од страна на МТВ. Предмет на проектот e: Изградба на комунална инфраструктура (АБ канал, краци на улица 3 и 4 на  водовод, атмосферска и фекална канализација во  Урбана Заедница 8 блок 1, ( индустриска област) општина Неготино. Општина Неготино работи на обезбедување на Изјави – Согласност од засегнатите страни за Изведување на градежни работи предвидени со проектот во Урбанистичка  зона УЗ8. По изборот на најповолниот изведувач и конечната вредност ќе се отпочне со градежните работи за што општина Неготино ќе обебеди и надзор за изведбата на истите.

   При изведувањето на градежни активности на патниот правец Горни Дисан - Вешје пред извесен период беше предизвикан дефект на главната водоводна линија преку која жителите на Вешје се снабдуваат со вода за пиење. Согледувајќи ја потребата од итно санирање на дефектот, општина Неготино во соработка со Јавното претпријатие „Комуналец“ ангажираше механизација и работна рака, при што беше интервенирано на отстранување на настанатиот дефект. Градоначалникот на општина Неготино Тони Делков информира дека е набавено и поставено ново црево Ф-63 со должина од 2 километри, со што дојде до нормализирање на водоснабдувањето и жителите на Вешје за сопствените потреби на располагање ги добија неопходните количини вода за пиење. Од општината информираат дека додека дефектот не беше отстранет, во 3 наврати потребите на „вешјани“ од вода за пиење беа задоволувани со дотур на вода во цистерни.

   На неколку часа пред дочекот на Новата година, градоначалникот на општина Неготино Тони Делков ги посети и се задржа во краток разговор со вработените во установите кои за време на дочекот беа на своите работни места водејќи грижа за безбедноста и здравјето на граѓаните од неготинска општина. Вработените во Полициската станица, Пожарната и Итната помош при Здравствениот дом го запознаа градоначалникот дека во функција се ставени сите расположливи ресурси со цел да се одговори на потребите на нивните работни обврски. Градоначалникот Делков им посака да имаат што е можно помалку работа за време на празниците, а на сите дежурни им врачи пригодни подароци притоа честитајќи им ја Новата 2018 година.

  Прекрасен настап на учениците од ООУ„Гоце Делчев“, избор на најубава елка во организација на градската библиотека „Страшо Пинџур“, десеттина штандови на кои се продаваа реквизити со новогодишни мотиви изработени од родителите на дечињата од детската градинка „Фемо Кулаков“, од штитениците во Дневниот центар „Порака“ и од учениците во ООУ „Гоце Делчев“- се моментите кои го одбележаа третиот и последен ден на тридневната манифестација „Новогодишна забава“ што во пресрет на дочекот на најлудата ноќ во годината општина Неготино ја организира со надлежните установи. Имено, денеска на градскиот плоштад се одржа настанот насловен како „Неготино весел бонбонград“, а атратктивната и со богати содржини исполнета програма придонесе неколку стотици граѓани од општина Неготино да излезат од своите домови и да ја проследат програмата која се одвиваше на градскиот плоштад во Неготино. Од локалната самоуправа истакнуваат дека трите дена од Новогодишната забава поминаа во одлична атмосфера и со масовно присуство на граѓаните на плоштадот, што пак ќе претставува дополнителен мотив оваа манифестација да продолжи да се одржува со надградување и на концептот и на содржините на истата, а на задоволство и на учесниците и на граѓаните на општина Неготино.