Кошаркарскиот клуб “Неготино” е формиран во 1979 година. Иницијатор за формирање на клубот и прв тренер бил Костадин Јовановиќ. Од самото формирање до денес клубот го носи името Кошаркарски клуб “Неготино”, со исклучок на сезоната 2005/06 кога клубот настапува под името “Дрога Колинска Неготино”
Најдобри резултати: Во сезоната 2003/04 освоено второто место во Втората Македонска лига и обезбеден пласман во Првата Македонска лига во која клубот настапува во сезоната 2004/05.

   
Борачкиот клуб “Неготино” е формиран во 1969 година како секција за борење “Младост”. Од сезоната 1970/71 оваа секцијата преминува во борачки клуб “ФКН” - Неготино и најдобрите резултати ги постигнува токму под ова име. Од 2001 година клубот го носи денешното име БК “Неготино”
Прв претседател на клубот е Петар Костадинов, a прв тренер на клубот по формирањето е Иван Рангелов.

   Првиот шаховски клуб во градот Неготино е формиран во далечната 1938 година, по иницијатива на големиот играч и вљубеник во шахот - неготинецот Пане Станински Џекот.
Се до 2003 година клубот го носи името на првоборецот Манчо Малиминов, кога е формиран сегашниот нов рекреативен шаховски клуб, познат под името Градски Шаховски клуб “Неготино”.