Реф. CN1 - SO2.3 - SC031 no.4  05-316/2  
Проект,,wa-mbrella,,
Согласно Одлуката од градоначалникот на општина Неготино бр.05-316/1 од  26.06.2018 општина Неготино спроведува  набавка- УСЛУГИ зa Супервизија на градежните работи за изведба на главен колектор за отпадни води за поврзување на село Тимјаник со канализациониот систем  во Неготино за проектниот партнер 2 –Општина Неготино за проектот,,Заштита на водните ресурси со намалување на човековото влијание врз животната средина” или“Protection of the water resources by reducing the human environmental footprint” со Aкроним ,,wa-mbrella” согласно Договорот за грант број wa-mbrella - CN1 - SO2.3 - SC031 од 02.04.2018 во рамките на ЕУ инструментот за предпристапна помош (ИПА)  Програма ,,IPA 2014-2020 Cross-Border Cooperation (CBC) Programme Greece – The North Republic of Macedonia”,.За целите на постапката општина Неготино достави покани до 3 правни субјекти.Покрај тоа  од општина Неготино објавуваме ПОКАНА ЗА ПОНУДА со комплетна тендерска документација подготвена согласно процедурите на ЕУ( PRAG 2018-Simplified procedure ) .
Истата е  достапна на веб страната на општина Неготино и  во проектната канцеларија во општина Неготино –Канцеларија за локален економски развој на 3 спрат во општина Неготино од 8:00-16:00 часот, почнувајќи од 01.07.2019 година.Доколку сте заинтересирани истaта може да Ви биде пратена  електронски или по пошта  поставена на ЦД.

Вашата понуда треба да ја добиеме најкасно до 15.07.2019(понеделник)  до 12.00 часот согласно инструкциите во тендерската документација кога е планирано и отварањето на понудите .

Општина Неготино тендерскaта документација ја доставува за објавување и на страната на Програмата: http://www.ipa-cbc-programme.eu/project-news/

invitation

   Во салата за состаноци на општина Неготино денеска се одржа работилница на тема „Примена на новиот Закон за социјална заштита“ кој влезе во сила на 23.05.2019 година од кога всушност и стартуваше имплементацијата на истиот. Како што истакна во своето излагање Софија Спасовска од Министерството за труд и социјална политика реформата е започната од 2018 година со вклучување на експерти од оваа област, со посебен приоритет кон домаќинствата и нивните потреби,намалување на детската сиромаштија, но и кон останатите категории ранливи граѓани. Според Спасовска, приритет е создавање на можности за вклучување на овие целни групи на пазарот на трудот преку поврзаност на Центрите за социјални работи со Центрите за вработување, а со единствена цел за вработување на младите. На работилницата на која свои излагања имаа и Соња Кипровска и Весна Самојловска од ЈУ Завод за социјални дејности се изврши презентација на структурата на Законот за социјална заштита и принципите на кои се заснова реформата, за паричните права и услугите од социјална заштита, за надлежностите на општините преку обезбедување социјални услуги, по што следуваше и дискусија за активностите за поефикасна примена на Законот за социјална заштиита. На работилницата во Неготино присуствуваа претставници од општините од Вардарскиот плански регион.

  Членови на најтесното семејство, роднини и пријатели, делегација од општина Неготино претставувана од секретарот Ивица Златковиќ и претседателот на Советот Диме Витанов, припадници на Армијата на РСМ и на Министерството за внатрешни работи-Полициска станица Неготино, претставници на Синдикатот на полицијата, бранители-учесници во воениот конфликт и други делегации, денеска на одбележувањето на годишнината од загинувањето на македонскиот бранител Косте Волканоски положија свежо цвеќе на спомен бистата пред Полициската станица во нашиот град и му оддадоа достојна почит на бранителот кој го загуби животот во воениот конфликт на 25-ти јуни 2001 година на локацијата Попова шапка. Во рамките на одбележувањето на годишнината од загинувањето на Волканоски, полицискиот синдикат и оваа година го организираше традиционалниот турнир во мал фудбал.

   Врз основа на одличната соработка на релација општина Неготино-Полициска станица Неготино и ЈУОДГ„Фемо Кулаков“ од нашиот град, а како резултат на активности на Координативното тело за социјална заштита при Општинскиот центар за социјални услуги на општина Неготино, во склоп на Полициската станица-Неготино опремена е и адаптирана просторија наменета за престој на лица-деца жртви и сторители на кривични дела. Просторијата во Полициската станица во нашиот град е опремена од страна на ЈУОДГ„Фемо Кулаков“, а со потенцијалните жртви и сторители на кривични дела ќеработи стручно лице од ПС Неготино.