Градскиот пазар во општина Неготино од  24.03.2020 ( вторник ) година ќе биде затворен за сите трговци и посетители. Ова денес Советот на општина Неготино  го усвои на вонредна седница со што градскиот пазар ќе биде затворен на неопределено време за што дополнително ќе биде соопштено кога повторно ќе биде отворен. Оваа одлука Советот ја донесе врз основа на  препораките од страна на Министерството за здравство за заштита и превенција од корона вирусот. Со цел спречување на ширење на корона вирусот се апелира на задолжително почитување на оваа одлука од страна на пазарџиите но и од страна на граѓаните на општина Неготино.

   Со цел за заштита на здравјето на граѓаните во општина Неготино, а во рамки на препораките од Министерството за здравство на Р. С. Македонија, екипи од ЈП „ Комуналец “ заеднички со ТППЕ Неготино, денес но и изминатиот период извршуваат миење и дезинфекција на улици, урбана опрема, корпи за отпадоци на повеќе локации во град Неготино.
Во текот на денешниот ден извршена е и дезинфекција во населено место Војшанци, а во следните денови ќе се извршува дезинфекција и во останатите делови од градот но и населени места во општина Неготино.
Активностите за чистење и дезинфекција на јавните површини во општина Неготино се со цел да се подигне нивото на јавна хигиена, но и да се заштити здравјето на граѓаните од ширењето на корона вирусот.

 

Се известуваат потрошувачите од Неготино дека поради сериозноста  на дефект на главен цевковод    Ф 315 кон Неготино и санирање на истиот можно е да се јават прекини во водоснабдувањето и денес во периодот од 10 до 15 часот на 19.03.2020 г. (четврток).
Молиме за разбирање.

датум                                                              Ј.П.„Комуналец“- Неготино
19.03.2020 г.

Се известуваат потрошувачите од Неготино дека поради санирање на дефект на главен цевковод   Ф 315 кон Неготино можно е да се јават прекини во водоснабдувањето во периодот од 10 до 15 часот на 18.03.2020 г. (среда).
Молиме за разбирање.

датум                                                              Ј.П.„Комуналец“- Неготино
18.03.2020 г.