Средства за лична хигиена, средства за дезинфекција на домовите и други неопходни работи за време на вонредна состојба донираше фирмата „Коди-ком“ од Неготино. Вредноста на донацијата изнесува 40.000 денари за што општина Неготино изразува јавна благодарност до донаторот и информира дека донираните производи ќе бидат дистрибуирани до ранливите категории граѓани на кои помошта во овие мигови им е најпотребна.

   И компанијата „КИМ“ од Неготино со донација се вклучи во масовната акција за доделување помош за полесно справување со корона вирусот. Имено, оваа неготинска компанија донираше производи од сопствената богата палета во вредност од 6.000 денари. Општина Неготино упатува јавна благодарност за донацијата и информира дека производите ќе бидат распределени онаму каде што ќе се оцени дека е најпотребно.

   Општина Неготино во соработка со приватниот сектор обезбеди и стави во функција уред за автоматска дезинфекција на возилата со што се постигнува поголема ефикасност и намалување на потребата од човечки ресурси. Првиот уред кој веќе работи е поставен на влезот од Неготино кај старите погони на ФЕМ и со истиот се дезинфиницираат сите возила кои влегуваат во нашиот град, а во функција ќе се стави и вториот уред на влезот во Неготино од Кавадарци. Локалната самоуправа упатува благодарност до фирмата „Ал-кито“, Марина метал и други фирми кои помогнаа за брза и аефикасна подготовка и ставање во функција на уредите за автоматска дезинфекција на возилата. Општина Неготино и понатаму продолжува со преземање на соодветни мерки за заштита од корона вирусот.

  Во континуитет расте бројот на поединци и фирми донатори од нашата општина кои донираат финансиски средства, прехранбени продукти и заштитна опрема за полесно справување со корона вирусот. Општина Неготино упатува јавна благодарност до фирмата „Полет шпед“ од Тремник и Горан молер Јованов кои донираа заштитни маски кои ќе бидат распределени онаму каде што истите се најпотребни.

   Секојдневно расте бројката на правни и физички лица од општина Неготино кои се одзваа на апелот на локалната самоуправа и преку донација на финансиски средства, заштитна опрема и прехранбени продукти даваат сопствен придонес во битката за справување со корона вирусот. Така, фирмата „Риле декор“ од Пепелиште донираше финансиски средства во висина од 15.000 денари кои општина Неготино ќе ги намени за набавка на хигиенски средства кои ќе им бидат поделени на ранливите групи граѓани.