|
Почитувани граѓани,
8 Април е денот кој е посветен на историјата и културата на Вас Ромите. Меѓународен ден кој се одбележува низ целиот свет афирмирајќи ја потребата за поголема поддршка на Ромите, како интегрален и рамноправен дел од македонското општество, негувајќи ги својот јазик, култура и традиции.
Од мое лично име како градоначалник но и од име на локалната самоуправа Ви го честитам денешниот празник, а воедно ја користам приликата да истакнам дека како градоначалник но и општина ќе продолжиме да ги негуваме односите со сите припадници од ромската заедница, секогаш ќе бидеме достапни да ги слушнеме вашите проблеми но и да најдеме заеднички решенија за нивно решавање со цел за подобрување на вашиот статус како граѓани на општина Неготино но и созадавање на подобри услови во секојдневното живеење.
Нека Ви е честит празникот !
|
|
|
 Покрај многуте правни и физички лица кои се одзваа на апелот на општина Неготино да донираат за полесно справување со корона вирусот, а донациите беа распределени таму каде што се најпотребни, и фирмата „Sвезда-комерц“ од нашиот град со донација покажа општетствена одговорност. Имено, оваа неготинска фирма донираше медицински ракавици, заштитни наочари, работнички ракавици и заштитни маски, за што општина Неготино упатува јавна благодарност и ги поттикнува и останатите фирми кои досега не го сториле тоа да донираат. И оваа, како и предходните донации, ќе биде распределена онаму каде што ќе се оцени дека е најпотребна. |
|
Повеќе...
|
 Донациите кои општествено-одговорните претпријатија, како и поединци од приватниот сектор ги доставија до општина Неготино ( заштитни маски, ракавици ), денес ги поделивме на градскиот плоштад. #ОстаниДома
#ЗаштитиСе |
|
Повеќе...
|
 И денес продолжуваме со дезинфекција на објекти. Дезинфицирани се повеќе јавни објекти и приватни претпријатија
Исто така, упатуваме апел до сите фирми, маркети , станбени згради кои сакаат да им биде извршена дезинфекција, општина Неготино им стои на располагање со што тимовите кои се секојдневно на терен ќе може да им извршат дезинфекција.
#ОстаниДома
#ЗаштитиСе |
|
Во однос на новата забрана за движење што ја донесе Владата на Република Северна Македонија, а којашто стапува во сила од среда (08.04.2020), Министерството за земјоделство, шумарство и водостопанство ги известува земјоделците:
Земјоделците што имаат работни обврски на своите земјоделски површинии на фармите, а кои се наоѓаат во атарот на селото во коешто живеат, можат да се движат за време на забраната за движење, исклучиво заради извршување на работните активности без да вадат дозволи за движење.
Земјоделците пак чиишто земјоделски површини или фарми се наоѓаат надвор од селото во кое живеат и треба да патуваат, а имаат работни обврски поврзани со производството, задолжително треба да извадат дозвола за движење.
Вадењето дозволи за оние земјоделци кои треба да патуваат од местото на живеење до локацијата кадешто им се наоѓа земјоделската површина или фарма, ќе биде по претходно воспоставениот принцип, преку Подрачните единици на МЗШВ.
Право на вадење на дозвола имаат лица кои се регистрирани и се занимаваат со:
- Сточарство
- Пчеларство
- Оранжерии
- Лозарство(услов: да се регистрирани земјоделци, или да имаат над 2️ха површина под лозов насад).
Правните лица, своите дозволи треба да ги вадат преку Стопанската комора. |
|
Од ЈП Комуналец ги информираат граѓаните на општина Неготино кои со вода за пиење се снабдуваат од регионалниот водовод „Лукар“ дека поради интензивните врнежи кои беа присутни изминатите денови и наглото топење на снегот во изворишниот дел на регионалниот водовод „Лукар“ појавено е заматување на водата и зголемена потрошувачка на хлор во водата за пиење. Токму затоа, се препорачува превривање на водата се до стабилизирање на состојбата.
|
|
|
|
|
<< Почеток < Пред 81 82 83 84 85 86 87 88 89 90 Следно > Крај >>
|
|
Лист 83 од 314 |
