Во текот на оваа недела, вработените и волонтерите во општина Неготино ги поделија пакетите (200) со прехрамбени производи - донација од фамилијата Заеви.Дел од овие пакети се поделени на најзагрозените семејства во градот, а останатите во сите населени места на општина Неготино.  Беа опфатени семејства, односно корисници кои се евидентирани во ЈУМЦСР Неготино ( Меѓуопштински центар за социјални работи) и лица од социјален ризик. Преку овие, како и сите други превземени мерки како општина Неготино продолжуваме да се справуваме со состојбата предизвикана од Covid19

   Отпочнати се градежни активности за комплетна  реконструкција и адаптација на старата училишна зграда и партерно уредување на дворот во село Вешје. Планирано е објектот да прерасне во современ едукативен и туристички т.н. АПИ центар за развој на пчеларството.  Со ова ќе се збогати туристичката понуда на општина Неготино преку едукативни АПИ и рекреативни активности и ќе се овозможи промоција на локалните производи.
Реконструкцијата е во рамки на проектот за локална и регионална конкурентност ( ПЛРК ) – пот проект Вински, апи и еко туризам во Неготино и околината.

Почитувани,
Како градоначалник на општина Неготино со особена чест но и задоволство Ви го честитам денешниот ден, 7 Мај - Денот на македонската полиција. На сите припадници на Министерството за внатрешни работи, а воедно и на ОВР Неготино Ви го честитам овој ден но и Ви се заблагодарувам за вашата посветеност и пожртвуваност што ја покажувате со Вашето секојдневно ангажирање несебично изразувајќи ја Вашата пред се човечност во овие кризни моменти.
Да се биде дел од полицијата но и безбедносните сили е чест но и одговорност. Професионалноста и заложбата која ја покажувате и во овие моменти всушност претставува пример како полицијата се грижи за безбедноста  на сите граѓани. Верувам во Вас и се надевам дека и во иднина ќе продолжите да се борите со бројните предизвици за добробит на граѓаните но и македонското општество.
Честит 7 Мај, Денот на македонската полиција !!!