Им се заблагодарувам на сите учесници во денешната акција поединечно. Огромна благодарност до приватната компанија „Мигоз - Саше'' која со своја механизација помогна денешната акција да биде комплетно завршена. Благодарност и до вработените во ТППЕ Неготино!

Се гледаме наредната недела на нова локација!

❤️️ #СоЉубовЗаНеготино

   Во изминатиот период се работеше на комплетна реконструкција на сливни решетки за одводнување на атмосферски води и шахти на повеќе локации на град Неготино. На одреден број локации се соочивме со момент каде повеќе постоечки сливни решетки и шахти биле затрупани со асфалт (на некои места бетон), а тоа резултирало до неконтролирано изливање на атмосферските води долж истата улица. Сега тој проблем е отпочнат да се санира и очекувам во периодот кој следи да биде комплетно завршен!

   Поради појавата на Коронавирусот како и моменталната состојба во државата со ширењето на истиот, музичкиот хепенинг „Неготино офф фестивал 2020“ кој требаше да се одржи на 6 јуни на градскиот плоштад во Неготино, годинава се откажува согласно препораките од Министерството за здравство за спречување на ширењето на КОВИД 19. Средствата кои беа наменети за одржување на манифестацијата, општина Неготино ги пренаменува за реализација на капитални инвестиции во општината.

#КоронавирусМК
#ЗаштитиСЕ

 Кооординативно тело на општина Неготино за справување со Коронавирус ги известува сите земјоделци на територијата на општина Неготино кои што вршат ДОПОЛНИТЕЛНА ЗЕМЈОДЕЛСКА ДЕЈНОСТ да се пријават утре(петок) 05.06.2020 година во периодот од 11.00 до 16.00 часот со доставување на потребни податоци по телефон, со директно јавување или на смс порака.

Пријавувањето може да го направите на следниот контакт телефон:

078 822 292 

НАПОМЕНА: Сите претходно евидентирани лица остануват во евиденција и НЕМА ПОТРЕБА да се јавуваат дополнително за деновите петок (05.06.2020), сабота (06.06.2020) и недела (07.06.2020)

Сите евидентирани лица ќе може да ги извршуваат потребните земјоделски дејности од 05.00 наутро до 20.00 часот навечер во деновите( петок, сабота и недела)
Потребните податоци за лицето кое ПРВ ПАТ се пријавува за вршење на земјоделска активност за време на полициски час се:

1.име и презиме
2.матичен број
3.адреса на живеење
4.место каде ќе се извршуваат земјоделските активности
5.контакт телефон

Добиените податоци ќе бидат доставени до ОВР-Полициска станица Неготино заради контрола на движење на граѓаните за време на полицискиот час.
Граѓаните при движењето со себе да понесат и документ за идентификација(лична карта).

Напомена:Пријавувањето е дозволено само за полнолетни лица, не постари од 67 години.