Деновиве во Лапидариумот на Музеј на град Неготино се одржа филателистичка изложба на поштенски марки на колекционерот-филателист Љупчо Настов. Филателијата претставува собирање и проучување на поштенските марки и важи за едно од најпопуларните хобија во светот. Поштенската марка како амбасадор на земјата-издавач, овозможува поглед во културата на земјата, нејзиното уметничко и историско наследство. Филателијата ги обединува луѓето со различни професии, политички убедувања и општествени класи, кои на ова хоби му се посветуваат заради задоволство, проширување на своето знаење, но и заради заработка. Првата поштенска леплива марка е воведена дури во 1840 г. како потврда за однапред платена поштарина. Оваа марка се нарекува „Црно пени“ (англ. Penny Black) со ликот на кралицата Викторија. Британската пошта прва ја донела одлуката за печатење и за продажба на поштенски марки. А набрзо овој метод на плаќање поштарина го прифатиле и другите земји.
Редовните поштенски марки кои што циркулираат во секојдневниот поштенски сообраќај имаат различна тематика - архитектура, етнологија, историја, уметност, медицина, политика, социјала, образование, разни ликови на истакнати личности од разни сфери,   додека програмата поштенски марки овозможува да се направат тематски збирки со мотиви на флора, фауна, културно наследство, спорт, екологија, а најмладите имаат можност да собираат детски поштенски марки. Оштенскит емарки се котистат и за хуманитарни цели, такви се доплатните марки каде што доплатата на услугата е наменета за хуманитарни цели.
Со појавата на поштенските марки се создала и нова страст кон нивното собирање и проучување – филателијата. Во земјата постојат неколку друштва што се занимаваат со филателија. На изложбата во Музејот  на град Неготино беа претставени повеќе од двеста поштенски марки од филателистот од Кавадарци Љупчо Настов кој ги собирал неколку децении наназад.

   Со асфалтирање на ровот комплетно завршија градежните активности за реконструкција на водоводната линија на улица Душан Преграц во должина од околу 100 метри.  Со реконтрукцијата се замени постоечката водоводна линија со нова, со што граѓаните кои живеат на оваа улица ќе ја добиваат потребната количина на вода до своите домови.  Во тек е и реконструкција на 10 шахти во  градот, кои се очекува во најбрз можен рок да бидат комплетно реконструирани.  

 

   Со средства обезбедени од Буџетот на Општина Неготино, изминатиот период се изврши поставување на 24 нови лед светилки на улица „ Партизанска “ поточно на потегот од ООУ „ Страшо Пинџур “ до спојот со улица „ Маршал Тито “ кај полициската станица во Неготино.
Со оваа работа се заменија сите светилки на 6 метарски дрвени и 10 метарски метални столбови во градот. Во меѓувреме се работеше и на замена на старите класични со нови лед светилки на каделабрите ( 4 метарски метални столбови ) на градскиот плоштад, старата градска чаршија и на градскиот кеј до СРЦ „ Младост “.
Заменети се старите со нови лед светилки на улиците: „ Петар Демирски “, „ Вида Џекова “, „ Ленинова “, „ Дојранска “, „Никола Карев “, „ Климентова “, „ Пелистерска “ и дел од улица Душан Преграц .
Со промената на сите улични светилки со нови лед штедливи драстично е намалена потрошувачката на електрична енергија за уличното осветлување во цела општина.