|
Градоначалникот и Советот на општина Неготино, преку Комисијата за јавни дејности ги известуваат сите активни спортски клубови, здруженија на граѓани и невладини организации од општината, дека најдоцна до 15 ноември 2009 година до 16.00 часот, во Општинскиот Услужен Центар треба да ги достават следните документи: |
|
Повеќе...
|
|
|
Градоначалникот на општина Неготино Горан Стојанов ја информира пошироката јавност дека негов приемен ден за граѓаните ќе биде секој четврток во периодот од 09,00 до 12,00 часот кога секој што е заинтересиран за тоа, ќе може оствари средба со првиот човек на општината. Пријавувањето за прием кај градоначалникот ќе се врши на приземјето во зградата на општина Неготино. Се апелира до сите кои ќе остваруваат средба со градоначалникот Стојанов да ги почитуваат пропишаните здравствени мерки од корона вирусот. |
|
Во рамките на реализацијата на проектот финансиран со средства од Владата на РМ за изградба на спортски сали на територијата на цела држава, еден таков објект започна да се гради и во Неготино. Имено, од неодамна се започнати активностите за изградба на најсовремена фискутурна сала која ќе функционира во склоп на СОУ Св. Кирил и Методиј. Согласно изготвениот проект, фискултурната сала ќе биде со должина од 44 и ширина од 29 метри, односно ќе опфаќа корисна површина од околу 1.300 метри квадратни. Истата се предвидува да биде повеќенаменска, а во нејзини рамки ќе бидат изградени и трибини. Изведувач на работите е ГП Гранит, а надзорот го вршат стручни лица од Градежниот институт од Скопје. Со изградбата и ставањето во функција на новата фискултурна сала средношколците од СОУ Св. Кирил и Методиј наставата по физичко воспитување ќе можат да ја реализираат во нови и стандардизирани услови, без притоа секојдневно да се упатуваат кон блиската спортска сала со што се ризикува нивната безбедност или пак часовите по физичко да се одржуваат во импровизирани услови во училниците. Се очекува фискултурната сала да биде завршена во согласност со утврдените рокови за нејзина изградба. |
|
Локалната самоуправа Неготино секоја година од Агенцијата за државни патишта добива на располагање средства во висина од околу 5 милиони денари. Употребата на овие средства е строго наменска и се однесува на реконструкција и изградба на патната инфраструктура на територијата на општината, се разбира со утврдени приоритети од страна на надлежните органи, додека еден дел е наменет за зимско одржување на уличната мрежа во градот. Според предлозите на стручните служби, се очекува оваа година овие средства да бидат искористени за изградба и реконструкција на два патни правци и тоа Неготино – Тимјаник и Неготино – Курија. Направените пресметки говорат дека средствата ќе бидат доволни за комплетно уредување на 3,5 километри од патот Неготино – Курија и 1 километар од потегот Неготино – Тимјаник. Со реализацијата на овој проект се очекува да дојде до значително зголемување на безбедноста на сите учесници во сообраќајот на овие два патни правци.
|
|
Во рамките на проектот Уредување на јавно прометни површини во градот преку расчистување, оззеленување, хортикултурно уредување, поправка на постојната и поставување на нова урбана опрема инициран и финансиран од Владата на РМ, 30 невработени лица од општина Неготино кои ги исполнуваа неопходните критериуми за тоа се работно ангажирани на изведување јавни работи. Во периодот до 31 декември оваа година тие врз основа на изготвени оперативни планови ќе работат на уредување на јавно – прометни површини, а за секој месец поединечно надлежните ќе изготвуваат извештај за се она што како ангажман го имаат реализирано. Овие лица работат на повеќе локации како на пример чистење на речното корито на градскиот кеј од плоштадот до спортската сала, метење и окопување долж улиците Маршал Тито и Партизанска, косење на тревата и окопување на паркот околу зградата на општината, уредување на парковските површини во населбата Антигона, кај спортската сала и МВР, а извшени се и други зафати согласно оперативните планови. |
|
Активностите околу имплементацијата на стандардот ISO 9001:2008 се одвиваа според изготвен термински план за работа, однапред утврден помеѓу работниот тим и консултантот. Имено, преку дефинирање и утврдување на процeсите со кои општина Неготино се јавува како сервис на граѓаните, воспоставен е Систем за менаџмент со квалитет (СМК) во кој се вклучени сите функции и расположивите ресурси, како и нивните овластувања и одговорности. Со воспоставувањето на СМК всушност се документирани следните документи – Политика за квалитет и цели за квалитет, Прирачник за квалитет, Процедури на СМК, како и работни документи и записи на СМК. Преку овие документи, општина Неготино ги дефинира својата мисија, визија и стратегија со воспоставување на целите и нивната реализација, како и мерките за зголемување на задоволството кај граѓаните преку добиените услуги. |
|
|
|
|
<< Почеток < Пред 311 312 313 314 Следно > Крај >>
|
|
Лист 313 од 314 |
