Во организација на локалната самоуправа и оваа година на градскиот плоштад се одржа традиционалната 8-ма по ред Мултимедијалната Неготинска вечер посветена на убавата македонска песна, другарувањето и забавата. Присутните ги поздрави и вечерта за отворена ја прогласи градоначалникот на општина Неготино Пане Трајков кој на сите граѓани има посака во пријатна атмосфера да ги поминат деновите од Неготинскиот панаѓур и уште еднаш на дело да го покажат надалеку познатото гостопримство. Во забавниот дел од програмата настапија Распеаните пензионери, хорот и соло изведби на ученици од ООУ ,, Гоце Делчев ,, Александар Белов, Александра Пилева, Лидија и Лазе, Дуо Форте, Пламенка Трајковска и Стрингс и Миле Кузмановски.

  Во просториите на Желкова куќа се одржаа неколку работилници како дел од проектот за “Ефективна имплементација на Законот за недискриминација“, кој што го спроведуваат  Британскиот Совет, Министертвото за труд и социјална политика, Граѓанската иницијатива за еднакви можности : Еднаков Пристап и Организација на социјални работници од Битола и Демир Хисар.
Обуките ги спроведуваа Слободанка Кртева, вработена во општина Неготино и Флорида Илиевска,претставник од Невладиниот сектор а учесниците беа од јавните институции, невладиниот сектор и претставници од Советот- Комисија за еднакви можности.

6та активност-8ми Мегународен детски фестивал,,Со фолклорот од минатото-заедно во иднината,,одржан во Две Могили-Бугарија
                                              (25.08.2011-30.08.2011)

Во рамките на Проектот,,Мрежа за култура, спорт и туризам,,од Програмата Европа за граѓаните 2007 -2013 реализирана е 6( шестата) и последна проектна активност во Две Могили Бугарија.
Oвој настан е поврзан со празникот на општина Две Могили и осмиот -8ми Мегународен детски фестивал,,Со фолклорот од минатото-заедно во иднината,,
На оваа проектна активност  општина Неготино  се претсатви со настап на фолклорното друштво КУД,,Ацо Ѓорчев,, од Неготино со 20 претставници.

          Ниту исклучително топлото време, ниту  високите температури не беа пречка голем број млади луѓе да земат активно учество, а уште поголем број посетители да ги проследат натпреварите од кошаркарскиот турнир што се одржа на градскиот плоштад во Неготино. Турнирот на кој учество зедоа екипи од неготинска општина, но и од други општини од регионот, за отворен го прогласи градоначалникот на општина Неготино Пане Трајков. Според информациите од организаторот, на турнирот учествуваа 8 екипи во машка конкуренција на возраст од 14 до 17 години, 6 екипи составени од играчи над 17 години, како и 4 женски екипи. За најуспешните, организаторите обезбедија пригодни награди кои на играчите и екипите им беа доделени по завршувањето на турнирот.

   На ден 17.08.2011 година општина Неготино беше домаќин на претставниците на фондацијата од Република Словачка - Slovak aid koја во соработка со Стопанската комора на Македонија  е носител на проектот ,, Зајакнување на малите и средни претпријатија - патот кон економски раст и пристапување кон ЕУ,,.
Гостите од Република Словачка заедно со претставниците на општинската администрација ја посетија винаријата ДУДИН каде што од страна на сопственикот и енолозите во оваа винарија целосно им беа претставени  капацитетите и технологијата на винското производство, како и  објектот за промотивно-комерцијална дегустација на палетата најквалитетни вина на оваа наша реномирана винарија.