По принципот на ротирање на местото на одржување на состаноците, Неготино и градоначалникот Пане Трајков беа домаќини на градоначалниците од Вардарскиот плански регион на средбата на која присуствуваше и директорот Александар Бузалков. На дневен ред пред првите луѓе на општините од Вардарскиот плански регион се најдоа 8 точки за расправа. Меѓу другото, на работниот состанок беше донесена одлука за реализацијата на проектот,, Меѓуопштинска соработка за енергетска ефикасност преку чија реализација се очекува да се заштедат ограничени енергетски ресурси на локално ниво, а се донесе и одлука за спроведување и на проектот ,, Мрежа за инклузивен развој на Вардарскиот пласнки регион ,,. Пред градоначалниците беше презентирана, разгледана и усвоена и територијалната анализа и вредносен синџир на трпезното грозје во Вардарскиот плански регион.

   Стотици граѓани на општина Неготино, ученици од средното и двете општински училишта, вработени во локалната самоуправа и во други јавни установи зедоа активно учество во акцијата Ден на дрвото – засади ја својата иднина што годинава се реализираше на местото викано Прждево. На површина од 10 хектари се засадија околу 40.000 багремови садници обезбедени од подружницата на ЈП Македоноски шуми во Демир Капија. Во акцијата се вклучија и државниот секретар во Министерството за одбрана Петар Есмеров и градоначалникот на општина Неготино кои не го криеја задоволството од масовноста при вклучувањето во оваа акција која  ќе придонесе за подобрување на еколошкиот амбиент, како во општината, така и на територијата на целата држава.

Објава бр.4 Неготино за продажба на градежно земјиште

Исправка согласно Законот за Градежно земјиште

Исправка на Објава бр.4 Неготино за продажба на градежно земјиште

  По повод 68-годишнината од ослободувањето на Неготино, како и секоја, така и оваа година се одржа свечената седница на Советот на општина Неготино која ја отвори и водеше претседателот Сашо Николов. На седницата пригодно обраќање во кое се осврна за развојот и растежот на градот, како и за реализаните проекти во периодот помеѓу двата празника имаше градоначалникот на општина Неготино Пане Трајков, а исто така присутните преку аудио-видео материјал имаа можност да се информираат за реализираните проекти и активности на локалната самоуправа во изминатиот едногодишен период. Свое обраќање во кое ги искажаа желбите за уште позабрзан развој на општината имаа првите луѓе на збратимените општини Неготино – Република Србија и Попово – Република Бугарија, а честитка пристигна и од началникот на општина Градишка – Република Српска. На свечената седница на Советот на општината беа доделени наградите и признанијата по повод празникот 8- ми Ноември, а седницата заврши со богата културно-уметничка програма.

  Со одлука на Советот на општина Неготино за дадениот посебен придонес во афирмацијата на општина Неготино во сверата на културата актерот Диме Илиев е прогласен за почесен граѓанин на Неготино, а наградата – клуч од градот му беше врачена на свечената седница на општинскиот Совет. Како што е наведено во образложението, истакнатиот драмски, телевизиски и филмски актер Илиев е роден во Неготино во 1952 каде завршува основно и средно образование, а во 1975 година дипломира на Факултетот за фрамски уметници во Скопје каде е и професионално ангажиран во Нционалната установа Драмски театар. Во својата долга и многу успешна кариера има одиграно повеќе од 90 премиерни улоги, мошне успешни креации има и на телевизијата како медиум, а на радиото има остварено улоги во над 200 радиодрами. На целокупната јавност и стана познат по извонредната креација во филмот ,, Исправи се Делфина ,, а значајни остварувања има и во многу други филмови. За својата долгогодишна работа добитник е на повеќе награди и признанија меѓу кои наградата ,, Ристо Шишков,, Најпопуларно ТВ лице за 1979 година, Најдобар млад актер во 1976 година и Наградата за главна улога на ТВ Фестивалот ,, Порторож ,, во 1976 година.