|
 Во рамките на спроведувањето на годишната програма за комунални дејности локалната самоуправа Неготино со сопствени средства во висина од 150.000 денари обезбедени од општинскиот Буџет изврши поправка на ударните дупки и регистрираните оштетувања на повеќе улици во градот. Најнапред се изврши поправка на двете главни улици во градот – Маршал Тито и Партизанска, а потоа се продолжи со крпење на ударните дупки на улицата кај Здравствениот дом, двете основни општински училишта и други јавни установи, односно секаде каде што стручните служби детектирале потреба од такво нешто или пак самите граѓани до надлежните во локалната самоуправа алармирале дека има оштетувања на улиците каде што тие живеат. Во реализацијата на проектот беа вклучени и работници на ЈП Македонија пат и на локалното комунално претпријатие Комуналец. |
|
Повеќе...
|
|
|
 Во рамките на спроведувањето на годишната програма за работа со средства во висина од 1.200.000 денари обебзедени од сопствениот Буџет општина Неготино започна со реализација на проект за поставување реквизити за детски игралишта на неколку локации во градот. Како што информираат од Службата за односи со јавност и медиуми при општината, реквизитите најпрво се поставени во централното подрачје на градскиот плоштад-едно од најфреквентните места во Неготино, и на задоволство на најмладите, и не само на нив, истите во текот на целиот ден и покрај високите температури беа исполнети со дечиња кои овде најдоа пред се безбедно и пријатно катче за поминување на слободното време во одмор, забава, другарување и релаксација. Посетителите имаат можност да уживаат во справата за одење со раце од дрвена конструкција, рачки и пожарникарска шипка, детска куќичка од дрвена конструкција со метални огради, 2 клупи и масичка, нишалка со две седишта, лулашка со седиште птичјо гнездо, платформа од дрвена конструкција со метална ограда и многу други реквизити кои се поставени на заштитен под од гумени панели наменет исклучително за детски игралишта. Предвидено е опрема за детско игралиште да биде поставена на уште 2 локации во Неготино. |
|
Повеќе...
|
 Во рамките на реализирањето на програмата за меѓународна соработка на локалната самоуправа, градоначалникот на општина Неготино Ванчо Апостолов го прими и се задржа во краток и конструктивен разговор со амбасадорот на Република Унгарија во Република Македонија Јожеф Бенце. На средбата Неговата Екселенција – амбасадорот Бенце од страна на домаќинот беше информиран за тековните активности во локалната самоуправа, за активностите што општината ги спроведува за решавање на долгогодишниот проблем со водоснабдувањето, како и за напорите за привлекување домашни и странски инвеститори со цел за отворање на нови производствени капацитети, а аналогно на тоа и нови работни места, при што беше промовирана и новата индустриска зона Неготино во близина на селото Црвени Брегови. Градоначалникот Апостолов и амбасадорот Бенце разговараа и за други прашања од делокругот на работата на локалната самоуправа Неготино. |
|
 Градоначалникот на општина Неготино Ванчо Апостолов на директорката на ЈП Комуналец Наташа Лазова и ги предаде клучевите од новото набавено возило за собирање на сметот во руралните средини на подрачјето на општината, а локалното комунално претпријатие доби и 47 нови контејнери кои во зависност од направените проценки и бројот на жителите во селата ќе бидат рамноправно распределени. Истите се добиени преку реализацијата на проектот ,, Управување со отпадот во руралните средини во општината ,,, при што возилото е набавено по цена од 4.472.000 денари, додека вредноста на 47-те контејнери за комунален и индустриски отпад од 1,1м3 изнесува 696.200 денари. Вкупните средства во висина од 5.360.000 денари беа обезбедени со подеднакво учество на Швајцарската агенција за развој и соработка и општина Неготино. Од локалната самоуправа очекуваат со набавката на возилото и контејнерите да се подобри јавната чистота во руралните средини и да имаме поздрава животна средина. |
|
Повеќе...
|
 На иницијатива на градоначалникот на општина Неготино Ванчо Апостолов, а врс основа на достасаните реакции од месното население, искусниот алпинист Александар Василевски со асистенција на уште неколку негови колеги и со цела неопходна опрема, моторна пила и други реквизити извршија целосно расчистување на наносите од дрвја и друг материјал на носечките столбови на мостот кај селото Војшанци. Како што вели Василевски, големите дождови и надојдените води на реката Вардар придонесоа за создавање големи наноси кои претставуваа потенцијална опасност за оштетувања, покрај на едниот, и на останатите столбови од мостот. По 4-дневно работно ангажирање, наносите од дрвја и други материјали се комплетно отстранети , а еден дел е однесен од водите на Вардар, така што дојде до ослободување на столбовите и елиминирање на притисокот што врз нив го создаваа наносите. |
|
Повеќе...
|
 Во рамките на спроведувањето на годишната Програма за спроведување на превентивна дезинсекција, дезинфекција и дератизација на територијата на општината, локалната самоуправа Неготино деновиве изврши превентивна дезинсекција против комарци на територијата на целиот град, како и во населените места Тимјаник и Криволак. Како што информираат одговорните, прскањето е извршено од страна на стручни лица од Центарот за јавно здравје од Велес и тоа на критични точки на јавни површини со препаратот Аква-котрин. Меѓу останатите површини, прскање е спроведено покрај течението на реката Вардар, по целата должина на кејот на Тимјаничка река, двете главни улици во Неготино, градинките, основните и средното училиште, здравствениот дом и на други локации, односно секаде каде што е утврдено дека има потреба од реализација на овој зафат. Предходно, преку средствата за јавно информирање граѓаните и здруженијата кои одгледуваат пчели и други животни благовремено беа запознато дека ќе се одвива прскање против комарци со цел да извршат нивна заштита. Од локалната самоуправа истакнуваат дека во зависност од временските услови и јавена потреба од такво нешто, и во наредниот период ќе следуваат дополнителни третирања со прскање против комарци. |
|
|
|
|
<< Почеток < Пред 261 262 263 264 265 266 267 268 269 270 Следно > Крај >>
|
|
Лист 270 од 314 |
