|
 Првичните ефекти од реализацијата на проектот за хидраулично регулирање на притисокот на водата за пиење се повеќе од задоволителни – Неготино веќе нема редукции и има 24 часовно водоснабдување. Ова меѓу другото беше истакнато на заедничкиот состанок помеѓу градоначалникот на општина Неготино Ванчо Апостолов, директорката на ЈП Комуналец Наташа Лазова и претставникот на фирмата-изведувач на работите ИМГД од Самобор-Хрватска што денеска со одржа во кабинетот на првиот човек на општината. На состанокот беше истакнато дека во моментов претставниците на ИМГД работат на терен на поставување на далечински надзори во сите зони во градот кои ќе придонесат за алармирање на„ комуналци “ при настанување на дефекти на водоводната мрежа и нивно итно интервенирање, за што ќе следува изведување и на дополнителна обука. Градоначалникот Апостолов истакна дека на состанокот ќе бидат дефинирани активностите од проектот од фазите кои допрва следуваат, а изрази и задоволство од досега изведените работи на терен кои уште на стартот придонесоа за укинување на рестрикциите и обезбедување континуиран доток на вода во водоводната мрежа, а аналогно на тоа, и до домовите на граѓаните. Директорката на Комуналец Наташа Лазова додаде дека со поставувањето на мерните инструменти значително ќе им се олесни работата, бидејќи по откривањето на дефектите, нивни екипи веднаш ќе можат да излезат на терен и брзо и ефикасно да интервенираат на локацијата каде што истиот е настанат. Сите учесници на состанокот заеднички констатираа дека е крајно време да се отстранат дивите приклучоци во градот и населените места, за што ќе следуваат и дополнителни активности за нивно откривање и елиминирање, со што ќе се зголемат количините на вода во водоводната мрежа. |
|
Повеќе...
|
|
|
 „Ние како партнери на општина Неготино во спроведувањето на дел од проектите за подобрување на водоснабдувањето денеска остваривме работна средба со градоначалникот Ванчо Апостолов на која го изразивме нашето задоволство од можноста што ја имаме да придонесеме за решавање на деценискиот проблем со водоснабдувањето во општината и се надеваме дека овој проект ќе биде успешно завршен“ – изјави по средбата Тошијаки Кеичо – менаџер на проектот на Светската банка за подобрување на општинските услуги кој беше дел од делегацијата на Светска банка која денеска престојуваше во работна посета на Неготино. Инаку, како што информираше градоначалникот Апостолов општина Неготино со проекти аплицираше до Светската банка која ги одобри потребните средства за реконструкција на водоводната мрежа на 15 улици во Неготино и изградба на нов резервоар за вода од 500 м3 во висока зона во близина на постоечкиот во Тимјаник, а се очекува до крајот на годината да дојде и до официјално потпишување на договорот помеѓу општина Неготино и Светска банка. Станува збор за проект вреден близу 1.000.000 евра кој значително ќе придонесе за подобрување на водоснабдувањето во општина Неготино, а според градоначалникот, градежните работи се очекува да започнат напролет наредната година. |
|
Повеќе...
|
|
 Во организација на Здружението на граѓани за лица со епилепсија и родители на деца со епилепсија „Епилепси“ утре во Неготино ќе се одржи трибина на тема „Епилепсијата како нарушување, фактори и ризици “ при што е предвидена и дискусија од страна на присутните за се онашто е во тесна корелација со епилепсијата како болест. Според агендата за работа на трибината, стручно излагање пред заинтересираните граѓани ќе има д-р Блажо Саздов, како и претставници на Здружението „Епилепси“. Трибината ќе се одржи на 13 декември ( сабота ) со почеток од 13 часот во големата сала на општина Неготино, а на истата можат да присуствуваат сите заинтересирани лица од општината и регионот. |
|
ПОКАНА ЗА ОБУКА ЗА ОСНОВИ НА ЛОЗАРСТВО И ЕНОЛОГИЈА (СОМЕЛИЕРИ)
Датум: 20 и 21 декември (сабота и недела)
Време на почнување: 10.00 часот
Место на одржување: Хотел Фени, Кавадарци
Проектот "Поттикнување на одржливи врски и развој на кластери во македонската туристичка индустрија" кој Агенцијата за Индустриски Развој на Обединетите Нации (UNIDO, www.unido.org) , го имплементира заедно со Министерството за економија на Република Македонија, во Тиквешкиот регион и регионот на Охридското езеро, организира ОБУКА ЗА ОСНОВИ НА ЛОЗАРСТВО И ЕНОЛОГИЈА (СОМЕЛИЕРИ) во Кавадарци. Покана |
 Стотици граѓани од општина Неготино денеска масовно се вклучија во акцијата „Ден на дрвото-засади ја својата иднина“ која есенва се спроведе под мотото „Стоп за катастрофите“ при што излегоа во природа и дадоа сопстве придонес во засадувањето на својата иднина. Годинава учениците и професорите од средното и двете општински училишти, како и претставници од други институции и установи кои функционираат на ова подрачје, масовно се упатија кон локацијата место викано Падината кај Прждево каде што сите заедно садеа дрвца чемпрес и багрем обезбедени од страна на ЈП Македонски шуми. Временските услови беа идеални, а акцијата протече во најдобар ред со засадување на голем број нови дрвца според однапред изготвениот план од страна на одговорните во локалната самоуправа и КП Македонски шуми. Инаку, во текот на денот градоначалникот на општина Неготино Ванчо Апостолов заедно со дел од вработените во општината се вклучија во акцијата „Ден на дрвот-засади ја својата иднина „ со засадување на 30 дрвца полски јасен на просторот во населбата Саат-кула во непосредна близина на новоизграденото мултинаменско игралиште и реконстриуираниот и хортикултурно уреден детски забавен парк, а дрвца се садеа и на други локации во Неготино. |
|
Повеќе...
|
|
 Акцијата препознатлива по својата масовност „Ден на дрвото – засади ја својата иднина“ во текот на утрешниот ден среда ( неработен ден ) ќе се реализира и на подрачјето на општина Неготино со засадување на дрвца на повеќе локации однапред утврдени од страна одговорните во локалната самоуправа, а во соработка со ЈП Македонски шуми. Дел од оваа масовна аккција ќе се спроведе и на територијата на општина Неготино со садење на багрем и чемпрес обезбедени во соработка со ЈП Македонски шуми на локацијата, место викано, Падината кај Прждево во која ќе бидат вклучени професори и ученици од средното и основните училишта. Според утврдениот план, од СОУ Св.Кирил и Методиј организираното поаѓање ќе биде од 09 и од 11 часот со по 2 обезбедени автобуси за превоз, додека од ООУ Страшо Пинџур и Гоце Делчев ќе тргнат по еден автобус со ученици, исто така од 09 и 11 часот. Во акцијата со почеток од 09 часот ќе се вклучат и вработените во локалната самоуправа Неготино и претставници од други установи и институции кои делуваат на ова подрачје кои ќе садат дрвца на локацијата кај новоизграденото мултинаменско игралиште во населбата Саат-кула. Инаку, годинава, како и лани на територијата на Република Македонија се очекува да бидат засадени околу 5.000.000 садници на вкупна површина од 1.300 хектари. |
|
Повеќе...
|
|
|
|
|
<< Почеток < Пред 241 242 243 244 245 246 247 248 249 250 Следно > Крај >>
|
|
Лист 241 од 314 |
