Општина Неготино започна со градежни активности за набавка и монтажа на нова урбана опрема и детски реквизити, како и поправка на постоечките во дел од населените места во неготинска општина. Како што информираат стручните служби, градежните активности опфаќаат набавка на материјали и поправка на постоечката урбана опрема и детски реквизити, како и обновување на подлогата на која тие се лоцирани. Согласно  проектот кој е во фаза на реализација, нова урбана опрема и детски реквизити се поставуваат во 4 села во општината и тоа Д.Дисан, Војшанци, Дуброво и Криволак.

  Во  ООУ „Страшо Пинџур“ - Неготино за време на летниот распуст се работеше на подобрувањето на енергетската ефикасност и осветлувањето на сите училници во старата училишна зграда. Комплетно во сите училници кои се наоѓаат во стариот училишен дел е изведено спуштање на плафоните со цел да се заштеди топлинска енергија и на истите се променија светилките со нови LED ламби. На тој начин, училиштето ќе  заштеди на сметките за струја, ќе го подобри осветлувањето,  како и визуелниот изглед на училниците- истакна директорот на училиштето Сашо Ѓорѓиев. Исто така, реализирани се и други активности со цел создавање подобри услови за одвивање и следење на воспитно-образовниот процес.

   Во рамките на манифестацијата „Нов културен бран-2018г.“ во сабота на 15-ти септември нашиот град ќе биде домаќин на едукативен семинар и јавен час за етнокореолозите од Република Македонија со присуство на околу 100 учесници. Настанот за отворен ќе го прогласи градоначалникот на општина Неготино Тони Делков кој ќе има можност уште еднаш да отвори настан поврзан со културата, науката и стручните кадри-етнокореолози. Овој настан, според организаторите, е поврзан со практичен и едукативен момент, а како резултат на тоа ќе се одржи и јавен час кој ќе го изведуваат етнокореолозите од РМ, со што пак ќе се придонесе за развој на образовниот едукативен систем. Покрај општина Неготино, домаќини на дел од настаните ќе бидат и Музејот на град Неготино, Центарот за култура „Ацо Ѓорчев“ и КУД„Јане Сандански“ , а настанот ќе заврши на градскиот плоштад во Неготино каде што и ќе се одржи јавниот едукативен час.