Секретарот на општина Неготино Ивица Златковиќ и претставници на локалната администрација остварија посети на 7-те игрални кои делуваат во 7 рурални средини во неготинска општина чие функционирање е финансирано од локалната самоуправа. Целта на посетата беше во пресрет на Новогодишните и Божикните празници на сите дечиња да им се поделат новогодишни пакетчиња, а за возврат дечињата од сите игрални подготвија и изведоа пригодна програма во која доминираа песнички и пораки за Новата 2019 година. Секретарот Златковиќ од негово име и од име на градоначалникот на општина Неготино Тони Делков на сите дечиња им посака многу среќа и здравје во Новата година, а дечињата се заблагодарија на подароците и на убавите желби.

Проект,,wa-mbrella,,

Согласно Одлуката од УО на ЈП,,Комуналец,, Неготино бр. 02-527/5 од 12.12.2018 ЈП,,Комуналец,, Неготино спроведува постапка за јавна набавка од УСЛУГИ за организирање на настан за Светскиот ден на водите на 22 Март 2019 за проектниот партнер 4 – ЈП,,Комуналец,,Неготино за проектот ,,wa-mbrella”.

http://www.jpknegotino.com.mk/Struktura.html

   Разиграни и весели, со песна и игра, 50-тина штитеници кои престојуваат во дневниот центар за лица хендикеп Порака го пречекаа градоначалникот на општина Неготино Тони Делков кој издвои време да присуствува на нивната забава по повод Новогодишните и Божикните празници. Во пријатна и релаксирана атмосфера дел од штитениците изведоа пригодна програма, а за возврат градоначалникот Делков кој рече дека секогаш се чувствува пријатно меѓу нив им подели новогодишни пакетчиња. Градоначалникот Делков на сите штитеници им ги честиташе празниците кои доаѓаат и им вети дека секогаш е подготвен да им излезе во пресрет на нивните потреби и барања. Од лично име и од име на штитениците јавна благодарност за подароците и одличната соработка изрази директорката на Порака Гордана Трајковска која ја искористи можноста на градоначалникот Делков и на сите граѓани да им ги честита Новогодишните и Божикните празници.

   Вчера и денеска дечињата кои престојуваат во двата клона Мајски цвет и Пролет при детската градинка Фемо Кулаков, како и дечиња кои престојуваат во други просторни услови во руралните средини, добија новогодишни пакетчиња кои им ги подели најочекуваниот гостин во пресрет на празниците-Дедо Мраз. Во знак на благодарност, дечињата од двата клона потпомогнати од своите воспитувачи подготвија и изведоа 2 претстави и преку песна игра и забава ја испратија 2018 година, и посакаа добредојде на Новата 2019 година и му посакаа топло добредојде на Дедо Мраз. Настанот го проследи градоначалникот на општина Неготино Тони Делков придружуван од своите соработници кој ја искористи можноста на сите дечиња, нивните родители и вработените во градинката да им ги честита Новогодишните и Божикните празници со желби за добро здравје, радост и среќа во Новата 2019 година.

   Денеска ( среда 26.12 ) со почеток од 16,00 часот ќе се одржи 21-та седница на Советот на општина Неготино. На дневен ред и на разгледување пред советниците ќе се најдат предлог-програмите за работа на одделенијата при локалната самоуправа за наредната 2019-та година, предлог-Буџетот и одлуката за негово извршување за наредната година, како и предлог Буџетскиот календар. Советниците во Советот на општината ќе се произнесат и по повеќе предлог-одлуки од областа на урбанизмот, давање согласност за сопствено учество во имплементирање на проекти, одлука за добивање донација, давање согласност за измени на годишен план за вработување, предлог-правилникот за условите и начинот на вршење на авто такси превоз на патници во неготинска општина,а ќе се разгледува и годишниот извештај за финансиското работење на Комуналец во првите 9 месеци од годинава. На дневен ред ќе се најдат и други прашања од делокругот на работата на Советот на општина Неготино.