Веднаш по започнувањето на обилните врнежи од снег, надлежните општински служби излегоа на терен и се ангажираа на расчистувањето на снегот. Најпрво на терен излегоа работници на Комуналец кои беа ангажирани за отстранување на снегот од главните улици, тротоарите и правење патеки за движење на пешаците во централното градско подрачје. Ним им се приклучија со соодветна механизација и работна рака вработени во фирмата Коп инжинеринг ангажирана од општина Неготино за зимско одржување на улиците и локалните патишта. По завршувањето на работите на примарната улична мрежа, ќе се пристапи кон чистење и на споредните улици, а се чисти снегот и од патиштата кои водат до населените места. Од локалната самоуправа до возачите и пешаците апелираат на внимателно движење, а сопствениците на деловни објекти и домаќинствата ги потсетуваат на обврската за чистење на просторот пред дуќаните и семејните домови. Ангажираната механизација и понатаму останува присутна на терен и работи на расчистување на снегот од најфреквентните улици и патишта во општина Неготино.

Имате идеја, предлог, сугестија за успешна организација на стопанско туристичката манифестацијата  Недела на виното,,Св.Трифун- 2019,,  
Споделете ја со нас!
Предлозите на граѓаните и другите чинители се секогаш добредојдени !
За  поуспешна стопанско туристичката манифестацијата  Недела на виното,,Св.Трифун-2019,, Вашите предлози и идеи ќе бидат добредојдени и дополнително разгледани  и на тој начин  концептот за Св. Трифун 2019 ќе биде наша заедничка цел!
ЗАЕДНИЧКИ ДА ОРГАНИЗИРАМЕ УСПЕШНА МАНИФЕСТАЦИЈА – СО ГРАЃАНИТЕ И ЗА ГРАЃАНИТЕ!
Ве повикуваме сите граѓани,институции, установи, бизнис секторот и невладините организации  од општина Неготино да дадете свои идеи, предлози, сугестии со пополнување на дадениот  прашалник најдоцна до 09.01.2019 год.(среда).


Вашите идеи, предлози, сугестии испратете ги на:
meil: This e-mail address is being protected from spambots. You need JavaScript enabled to view it
тел:043-361-045 лок.123
Општина Неготино

П Р А Ш А Л Н И К

А Н К Е Т А

   ПРОЕКТ ,,ЕНПОЛ-ЕЕ,,
,,Енергетска ефикасност во прекуграничната област како индикативен фактор на политиката за животната средина ,, или ,, “Energy efficiency in the cross border area as an indicative factor for environmental policy”  со акроним, ENPOL-EE,,

Јаница, Декември28  и 29 ,2018

На 28 и 29 Декември 2018 година проектниот  тим  од општина Неготино и  од СОУ,,Св Кирил и Методиј,,Неготино заедно со градоначалникот на општина Неготино Тони Делков,присутвуваа на дводневна работна посета во  општина Пела-во местото Јаница .Ова е прва  воведна средба на која сите проектни партнери  меѓусебно се сретнаа и го формираа Управувачкиот Комитет .На средбата  се договорија за проектните активности што како обврски следуваат за сите 4 проектни партнери.Беа договорени официјалните алатки за комуникација за проектот,,ЕНПОЛ-ЕЕ,,.Се утврдија сите превземени досегашни активности во правец на развој на проектот, а посебен акцент беше ставен на заедничките активности кои всушност ја одразуваат и прекуграничната соработка.Се подготви сет од активности за следните 3 месеци, а беа договорени и сите менаџмент процедури кои е потребно да ги следат проектните партнери.На средбата градоначалниците на двете општини  г-дин Тони Делков и г-дин  Григорис Стамкос  остварија посебна посета, на која беа разменети информации за двете општините, а воедно беа договорени и потребните процедури околку потребното кофинансирање од 20% кое Водечкиот партнер –општина Пела во следните денови треба да го изврши кон општина Неготино и кон Св,;Кирил и Методиј,,Неготино, со што   ќе може реално  да се спроведуваат и да се покриваат трошоците  за дел од планираните проектни активности.

Почитувани граѓани на општина Неготино !

Празниците се момент за нова надеж и верба дека ни претстои подобра и поуспешна година за сите нас и кога си посакуваме многу здравје, радост и среќа во годината што доаѓа. Новата 2019 година е нова шанса да продолжиме да работиме за доброто на Неготино и населените места во општината, затоа што од нас самите зависи иднината и развојот на општината. Само со љубов, единство и слога заедно можеме да го изградиме нашиот сакан град и да ја реализираме програмата за работа. Јас како градоначалник на општина Неготино од мое лично име и од име на локалната самоуправа Ви посакувам пријатно и ведро расположение за време на престојните празници. Ви посакувам празничните моменти да Ви бидат исполнети со најдобри желби за здравје, среќа, бериќет и разбирање.

СРЕЌНИ НОВОГОДИШНИ И БОЖИКНИ ПРАЗНИЦИ, ДРАГИ МОИ СОГРАЃАНИ !