Работници на Јавното претпријатие „Комуналец“ од Неготино се присутни на терен и работат на поставување на нова пумпа за водоснабдување за потребите на жителите на селото Тремник. Како што информираат одговорните, поради дефект прво е демонтирана и отстранета старата пумпа која ќе се репарира, по што е пристапено кон чистење и перење на бунарот за создавање услови за поставување на новата пумпа од 18,5 киловати. Се очекува во текот на денот новата пумпа да биде поставена и ставена во функција со што ќе се придонесе за стабилизирање и подобрување на снабдувањето со вода за пиење на жителите на неготинското село Тремник.

  Општина Неготино ја објави официјалната програма по повод тридневната манифестација „Недела на виното-Св.Трифун 2019г.“ која традиционално се одржува секоја година по повод празникот на лозарите и винарите 14-ти февруари-Свети Трифун. Активностите започнуваат во вторник на 12-ти февруари и ќе траат до вечерните часови во четврток 14-ти февруари кога на градскиот плоштад во нашиот град ќе се одржи централниот настан по повод празникот Свети Трифун.

   Групите во други просторни услови во населените места Криволак, Пепелиште и Тремник во кои досега престојуваа дечиња во хетерогени групи на возраст од 3-5 години, а делуваат во склоп на Детската градинка „Фемо Кулаков“ и работат согласно „ Програмата за рано учење и развој“ добија нова опрема која наскоро ќе биде монтирана и ставена во функција. Станува збор за набавка  на клима уреди, мијалници, бојлери, шпорети и фрижидери, работни маси, висечки шкафови и прибор за храна  и дистрибуција на истата , во секоја  група поединечно, а обезбедени се со средства од општина Неготино во вредност од 698.705 денари.„ Со новата опрема ќе се создадат  услови за обезбедување поквалитетни услови за  целодневен престој на околу 70 дечиња кои престојуваат во овие три „Групи во други просторни услови„ -изјави директорката на градинката Јана Коцева. Секретарот на општина Неготино Ивица Златковиќ истакна дека покрај набавената опрема, следуваат и градежни работи за адаптација на просторот во постоечките објекти и создавање уште подобри услови за престој на дечињата.

   Градоначалникот на општина Неготино Тони Делков денеска за отворен го прогласи првиот еднодневен спортски настан кој е дел од проектот на Фудбалската федерација на Македонија и Федерацијата на училишни спортови. Градоначалникот Делков во обраќањето до учесниците и организаторите на настанот истакна дека му е задоволство што токму Неготино е домаќин на првиот од циклусот на 42 вакви еднодневни настани на кои учество ќе земат околу 2.800 деца од цела држава од 80 основни училишта кои пак ќе се одржат во вкупно 21 општина. Во секоја општина ќе има по 2 еднодневни настани од кои денешниот беше за учениците од второ и трето одделение, а во понеделник учество ќе земат ученици од четврто и петто одделение. Делков на учесниците и организаторите им посака успешно спроведување на агендата за работа и притоа од името на Федерацијата на училишни спортови на Македонија на претставниците на 4 училишта од кои 3 од Неготино и 1 од Д.Капија им додели по една фудбалска топка.