Градоначалникот на општина Неготино Тони Делков заедно со општинската администрација оствари посета и изврши увид на лице место во Пчелниот парк во с.Вешје. Пред членови од Здружението „Неготински мед“ и други заинтересирани лица од ова населено место,  присутните без информирани дека општина Неготино веќе ги врши подготвителните активности за под-проектот „Вински апи и еко туризам во Неготино и околината“ за кој што општина Неготино има потпишано договор и за кој се обезбедени средства во износ од околу 16.500,000 денари од доверителските фондови на ЕУ и општина Неготино. Дел од средствата на овој проект ќе се искористат токму во с.Вешје каде што наскоро отпочнува и партерно уредување на Пчелниот парк, а ќе се изврши комплетна реконструкција и адаптација на Старата школска зграда во нов современ едукативно - туристички т.н Апи центар за развој на пчеларство. Со оглед на тоа што главен проблем за пристигнување до селото претставувува и локалниот пат, присутните жители со кои беа остварени средби беа информирани дека на делови од патот, иако се работи за нови градби кои се градени претходно,  сепак патот е во лоша состојба и мора да претрпи санација. Исто така, жителите беа запознати  дека се обезбедени и средства преку Агенцијата за финансиска поддршка на земјоделието и руралниот развој за изградба на нова делница од околу 800 нови метри , а се верува  дека реално ќе бидат обезбедени и средства за нови околу 500метри .

   Денес во општина Неготино  градоначалникот на општина Неготино и општинската администрација  во салата за состаноци одржаа информативна средба и  понудија можност за  дирекна посета на терен  со заинтересирани компании  во врска со Отворената постапка која е во тек , а која се однесува  на замена на уличното осветлување со ЛЕД светилки  во општина Неготино .Оваа постапка  е во  рамките на  проектот,,ЕНПОЛ-ЕЕ,,ИПА проект за прекугранична соработка со Грција кој предвидува замена на вкупно 1410  во општина Неготино и тоа  1100 на 67 улици  и локации во градот ( утврени со распоред) и  310 во  селата:Тимјаник, Пепелиште и Криволак .По завршување на постапката во периодот кој следува ќе се започне со дирекна имплементација на оваа компонента од проектот,,ЕНПОЛ-ЕЕ,,

   Градоначалникот на општина Неготино Тони Делков, вработени во локалната администрација, директори на образовни установи и вработени во Јавното претпријатие „Комуналец“ од нашиот град викендов спроведоа еднодневна еко-акција за расчистување на просторот околу Спомен-костурницата. Целта на акцијата беше собирање на расфрланиот отпад кој го нагрдуваше овој простор и негово расчистување и уредување, а по нејзиното завршување „комуналци“ со соодветна механизација го транспортираа отпадот на соодветно место за тоа.

   Градоначалникот на општина Неготино Тони Делков,  вработените во општинската администрација и советниците во општинскиот Совет во текот на утрешниот ден (сабота 13 април) ќе реализираат акција за расчистување на просторот кај Спомен-костурницата во нашиот град. Акцијата ќе започне од 09,30 часот и во истата можат да се вклучат сите заинтересирани граѓани од општина Неготино.

  Се реконструираат шахтите и сливни решетки од канализациониот систем на улици во Неготино и населените места.  Во следниот период треба да бидат реконструирани голем број на оштетени шахти и сливни решетки.