Обилните врнежи од дожд приоследени со ветер на два пати во последниве неколку денови ја зафатија нашата општина и предизвикаа штети кои се санираа, но и се санираат во моментов на објавувањето на овој текст. За таа цел, се одржа и вонреден состанок на кризниот штаб на општина Неготино на која присуствуваа претставници од локалната самоуправа, ЦУК, ЈП Комуналец и Полициска станица од Неготино на кој беа разгледани последиците и штетите од обилните врнежи кои речиси секогаш поради конфигурацијата на теренот се најголеми и наајвидливи во централното градско подрачје и беа предложени мерки и активности кои се преземааат и ќе се преземат за санираше на истите. Екипи на Комуналец се на терен и со механизација и работна рака го расчистуваат просторот каде што има потреба од тоа, во функција се 2 цистерни кои исто така се активни на терен, се следи состојбата на патната инфраструктура на подрачјето на цела општина и се интервенира каде што треба, а паралелно се остваруваат и контакти со надлежните државни институции за евентуално добивање поддршка за санирање на штетите. Работите на терен продолжуваат и во вечерните часови, а доколку граѓаните имаат потреба од помош, ги информираме дека тоа можат да го сторат јавувајќи се на телефонскиот број 195.

   Општината Неготино во текот на вчерашниот ден и денеска  активно е вклучена во санацијата на штетите по вчерашното невреме кое го зафати нашето подрачје. Екипи од општината веднаш по невремето излегоа на терен и почнаа со расчистување на штетите на главните сообраќајници и собирни улици.  Стручните лица од локалната самоуправа на терен ги констатираа штетите од невремето и на лице место извршија проценка за тоа кои се приоритетите за интервенција. Општина Неготино реагираше соодветно во рамките на своите надлежности и можности, а механизацијата и комуналните служби вчера и денеска работеа и работат за санирање на штетите. Комуналните служби и механизација ангажирана од општината, веднаш по непогодата излегоа на терен и го расчистуваа хаосот. Пред се, се дејствуваше на најпроблематичните места, главните сообраќајни артерии и собирните улици. Се расчистуваа скршените гранки и се одзатнуваа сливниците, се помагаше на граѓаните во санирање на состојбата, а со работна рака и механизација се интервенираше и во дел од населените места во неготинска општина.

   Беспрекорна организација, масовна посетеност и одлична забава го одбележаа првото издание на „Negotino OFF Festival 2019“ што се одржа по повод завршувањето на учебната година-настан кој како што истакна во пригодното обраќање градоначалникот на општина Неготино Тони Делков во иднина се планира да стане традиционален, се разбира со нови и уште побогати содржини. Инаку, за времетраењето на настанот кој започна од 17 ч. и траеше до раните утрински часови, градскиот плоштад во нашиот град буквално беше исполнет до последно место, како од посетители од неготинска и соседните општини,така и од гости од други градови во земјава. Настанот се одржа во организација на ивент агенцијата „Ентфинити“, ко-организатор и покровител беше општина Неготино, а истиот финансиски беше поддржан и од повеќе правни субјекти од нашата и соседните општини. Свој настап пред присутните имаа GP& STEFFONATOR, Оливер и Иван, 2BONA &Tasko, Blue band, а забавата кулминираше со настапот на балканската музичка sвезда и специјалниот гостин на вечерта Саша Ковачевиќ кој повеќе од 2 часа ги забавуваше присутните на плоштадот.

   Во рамки на одржувањето на големиот музчки хепенинг насловен како „Negotino OFF Festival-2019“ што се одржа на градскиот плоштад во Неготино, а по повод завршувањето на учебната година, на над 30 ученици и нивните ментори од двете основни училишта во градот и средното општинско училиште градоначалникот на општина Неготино Тони Делков им додели вредносни ваучери како награда за постигнати резултати од областа на образованието. На сите ученици кои беа наградени, од негово лично име и како градоначалник на општина Неготино, Делков им честиташе на извонредните постигнувања, а јавна благодарност упати и до професорите и наставниците кои се години инвестираат во образованието на учениците и имаат клучна улога во обезбедувањето квалитетно образование кое секој ученик го подготвува во иднина да го реализира својот потенцијал. Можноста да им се обрати на присутните, градоначалникот Делков ја искористи да им порача дека „убавината на секое признание е во тоа што претставува награда за сработеното, но и мотив да се биде подобар во иднина“. Се надевам, додаде Делков, дека водејќи се од оваа девиза, нашите ученици-основци и средношколци и нивните ментори и во иднина ќе освојуваат вредни награди и признанија, а сето тоа ќе биде валоризирано преку традиционално одржување на овој настан и наредните години со доделување вредносни ваучери од страна на општина Неготино.

   Деновиве во просториите на ЈУОДГ „Фемо Кулаков“ во Неготино во рамките на спроведувањето на регионалниот проект за социјални права на ранливите групи-ГИС и општина Неготино се одржа дводневна обука за вработените воспитувачи,стручни лица-соработници. На обуката беа поканети и активно учество зедоа претставници од ЈУ Меѓуопштински центар за социјална работа Неготино, а обуката беше на тема „Работа со деца со пречки во развојот во градинките на територијата на општина Неготино“. Едукатори на обуката беа примариус доктор специјалист педијатар Иван Двојаков и дефектологот Даниела Саздова.