По завршувањето на активностите во градот што резултираше со набавка, замена и поставување  на  нови 841 улична светилка со ЛЕД технологија за енергетска заштеда и редукција на ЦО2, со замена на старото и поставување на ново улично осветлување се продолжи и во населените места во општина Неготино. Согласно проектот, извршена е комплетна промена на уличното осветлување и поставени се нови 569 ЛЕД светилки во населените места Криволак, Тимјаник, Пепелиште, Тремник, Д,Дисан, Војшанци и Дуброво со што тамошните жители добија многу поквалитетно улично осветлување и голема заштеда на електрична енергија. Со овој проект на територијата на општина Неготино се изврши вкупна замена на 1.410 улични светилки со нова ЛЕД штедлива технологија.

   Подрачното основно училиште „ Гоце Делчев “ во Тимјаник добива ново, поголемо, повеќе наменско игралиште во склоп на училишниот двор како и нови пристапни патеки до самото училиште.  Играчиштето ќе биде осветлено со рефлектори за да може да се користи и во вечерните часови. Истото ќе можат да го користат сите жители на ова населено место Тимјаник за дружба и рекреација.

   Во периодот што следи ќе се врши монтажа на улични рабници, изведба на пропуст на канал за атмосферски води, нивелирање и набивање на проширениот дел од улицата, по што ќе се пристапи кон асфалтирање на истата.