Со положување на свежо цвеќе на спомен бистата поставена пред Полициската станица во Неготино, членови на семејството Волканоски, градоначалникот Тони Делков, припадници на АРМ, претставници на ОВР Неготино, Синдикатот на МВР  и други делегации, денес ја одбележаа 19 годишнината од загинувањето на бранителот Косте Волканоски кој својот живот трагично го загуби на 25 јуни 2001 година во воениот конфликт на Попова Шапка.
Во рамки на одбележувањето на годишнината од загинувањето на Волканоски, полицискиот синдикат наместо традиционалниот турнир во фудбал кој 13 години по ред се организираше, годинава организираше меморијална велосипедска тура од Полициска станица Неготино до центарот на општина Градско и назад.

 

   Денес започна асфалтирањето на делницата од патниот правец Долни Дисан – Вешје во должина од 460 метри.
Увид во градежните активности изврши и градоначалникот Тони Делков според кого се очекува во текот на утрешниот ден да завршат градежните активности на овој дел.
По ова следи и изградбата на втората делница од овој патен правец во должина од околу 900 метри.

 

 

Врз основа на член 35 став 3 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), член 50 точка 4 од Законот за локална самоуправа ("Сл.весник на РМ" бр.5/02), донесената Годишна програма за изработување на урбанистички планови на Општина Неготино за 2020 година   од Совет на Општина Неготино, Градоначалникот на Општина Неготино го дава следното:

                                С О О П Ш Т Е Н И Е
за организирање на јавна презентација и јавна  анкета за архитектонско- урбанистички проект за формирање на градежна парцела со намена Г2-Лесна и незагадувачка индустрија, согласно со Општ акт за село Тимјаник , на КП бр 3007/8, КО Тимјаник, општина Неготинo


Граници на опфатот сe: од северната страна граничи со новопланирана улица 1, од западната страна граничи со дел од КП 3007/8, од јужната страна граничи со КП 3007/10, од источната со КП 3007/3. Пристап во парцелата е обезбеден од северната страна (ново планирана улица 1).
Опфатот е со површина  од  1546м2.
Јавната анкета и јавната презентација за архитектонско- урбанистички проект за формирање на градежна парцела со намена Г2-Лесна и незагадувачка индустрија, согласно со Општ акт за село Тимјаник , на КП бр 3007/8, КО Тимјаник, општина Неготино,  со технички број  0213-12/19 од  февруари  2020 година, изработен од „ТИПИНГ“  дооел Велес, ќе се спроведе со излагање на планот во просториите на  општина Неготино.
Јавната анкета ќе трае 5  (пет) работни денови и тоа   од  23.06.2020 година  до 29.06.2020 година,   секој работен ден од 8.00 до 16.00 часот.
Во споменатиот рок, заинтересираните граѓани и правни лица од конкретното подрачје опфатено со АУП, можат да доставуваат писмени забелешки,  предлози и мислења на анкетните листови.
Јавната презентација со стручно презентирање на АУП ќе се одржи на ден 25.06.2020 година  во  12:00 часот во просториите на општина Неготино.