Поради безбедносно извршување на планираните активности, Командата на гарнизонот Криволак го информира месното население кое гравитира околу Армискиот полигон дека во периодот до 31 мај, оваа година, на повеќе реони на полигонот ќе се извршуваат гаѓања. Токму затоа, во наведениот период се забранува секакво движење и престој на луѓе, моторни возила и стока, како и оставање на возила во тие реони, а исто така се забранува и било какво земање или допирање на неексплодирани проектили или средства кои можат да бидат опасни по живот. Доколку се пронајдат такви средства, потребно е истите да бидат соодветно одбележани и паралелно да се известат надлежните органи од полигонот или најблиската полициска станица. Вежбалиштата на кои ќе се извршуваат планираните активности ќе бидат видно одбележани согласно законските прописи на Армијата, а ќе биде присутно и физичко обезбедување. 

  Денеска во име на општина Неготино и во мое лично име положив свежо цвеќе на спомен-бистата на Фемо Кулаков, патронот на детската градинка во Неготино, а во рамките на одбележувањето на патрониот празник на неготинската детска градинка . Свежо цвеќе положија и повеќе други претставници, меѓу кои директорката на установата Јана Коцева, претседателот на Советот на општината Диме Витанов, секретарот на општината Ивица Златковиќ, членови на Управниот одбор на градинката и други присутни на прославата која се одржа со строго почитување на здравствените протоколи. По повод патронатот дечиња од неготинската градинка изведоа пригодна програма.

 

Министерството за внатрешни работи денеска го прославува 7 Мај - Ден на македонската полиција. По тој повод упатувам искрени честитки до сите вработени во ОВР Неготино и сите чувари на јавниот ред и мир во државата. Полициските службеници како и со сега, и во иднина ќе ја ставаат безбедноста на сите граѓани пред сопствената и ќе работат и функционираат во интерес на побезбеден и посигурен живот на населението. Честит празник!