Во рамките на реализацијата на проекти кои имаат за цел подобрување на патната инфраструктура на подрачјето на општината, локална самоуправа Неготино со сопствени буџетски средства и финансии обезбедени од Агенцијата за државни патишта на РМ изврши комплетна реконструкција и асфалтирање на патниот правец Неготино – Тимјаник, а исто така беше асфалтирана и една улица во самата населба.

  Делегација на општина Неготино предводена од градоначалникот Пане Трајков и членови на КУД ,, Јане Сандански ,, од нашиот град присуствуваа и зедоа учество во дел од активностите реализирани во рамките на ,, Етно плоштад фестивалот ,, што се одржа во општина Берово.

Се известуваат граѓаните на општина Неготино дека согласно Законот за Домување, сопствениците на посебни делови на станбените згради(сопствениците на станови) се должни да формираат Заедница на сопственици или да назначат управител на зградата. Согласно законските рокови, Здруженијата потребно е да бидат формирани најдоцна до 13 август 2010г. Со цел да им се помогне на граѓаните на општина Неготино на веб страната на локалната самоуправа објавени се потребните документи кој може да се искористат во постапката за регистрација на Здружението. Исто така дополнителни информации во врска со постапката можат да се добијат во правната служба на општината.

     Општина Неготино заедно со останатите локални самоуправи од Вардарскиот плански регион, а во рамките на реализацијата на проектот кој се одвива под мотото ,, Сакај ја Македонија, уживај во својата Татковина ,, изврши сопствено претставување на, за тоа посебно уреден штанд, пред многубројните посетители кои ја следеа манифестацијата на плоштадот ,, Македонија ,, во Скопје. Самата промоција постигна многу позитивни ефекти и привлече големо внимание кај граѓаните, а сето тоа резултираше со посета на штандот на нашата општина каде што преку промотивни материјали заинтересираните имаа можност да се запознаат со стопанските, туристичките, природните и културните потенцијали на неготинска општина.