Ученици од ООМУ “Владимир Арсовски“ од Неготино деновиве го одржаа традиционалниот предновогодишен концерт во изложбениот салон во Музеј на град Неготино. Концертот го одржаа и истиот содржеше изведби од ученици од инструменталните оддели по пијано, виолина и саксофон. Честитки за успешниот настап на учениците на последниот настап во 2021 година, многу успеси и здравје во Новата 2022 година и секако продолжување на одличната соработка меѓу ООМУ „Владимир Арсовски“,  Општинската установа Музеј на град Неготино и општина Неготино.

По пауза од 4 години, согласно одлуката донесена од страна на општинскиот Совет на мој предлог, започнавме со исплата на еднократна парична помош за родителите од општина Неготино кои имаат новороденчиња. Така, со строго почитување на протоколите за заштита од Ковид-19, денеска во кабинетот ги доделив првите 8 ваучери во вредност од 7.000 денари на родителите кои добиле деца во периодот од стапувањето на одлуката на сила, а за што до надлежните општински служби од нивна страна беше доставена неопходната документација. На сите им ги честитав новороденчињата и им посакав многу здравје и среќа, а им ги честитав и Новогодишните и Божикните празници. Мерката е донесена со цел за зголемување на наталитетот во нашата општина, а ја користам можноста да апелирам до сите родители кои во наредниот период ќе добијат новороденчиња, да ја достават потребната документација и да ја искористат можноста да добијат ваучер од 7.000 денари како еднократна помош. 

 Во пресрет на Новогодишните празници, денеска градоначалникот на општина Неготино Горан Стојанов имаше пријатна можност да ги посети нашите најмлади сограѓани кои престојуваат во трите клона на Детската градинка „Фемо Кулаков“ и тоа Пролет, Мајски цвет и Темјанушка, како и градинките во селата Криволак, Пепелиште и Тремник. Градоначалникот Стојанов посетата ја искористи заедно со директорката на градинката Нада Најдова и со Дедо Мраз на сите 545 дечиња кои престојуваат во градинката да им поделат новогодишни пактечиња посакувајќи им добро здравје и безгрижно детство. Во знак на благодарност, од нивна страна беше изведена кратка претстава за Дедо Мраз при што дечињата ги запеаја познатите новогодишни песнички, а средбата со градоначалник Стојанов ја искористија да ги искажат и нивните искрени детски желби за поубаво Неготино.