Министерот за транспорт и врски во Владата на РМ, Миле Јанакиески во придружба на градоначалникот Ванчо Апостолов оствари работна посета на општина Неготино која ја искористи да предаде во употреба 2 објекти и да додели решенија за легализирани дивоградби. Така, во селото Тремник во присуство на тамошните жители во употреба беше предаден објектот „ Фекална канализација во Тремник “ – проект вреден 13.000.000 денари обезбедни од ресорното Министерство преку Европската инвестициона банка. Изградена е примарна мрежа од 3 краци во должина од околу 3 километри, како и одводен колектор во должина од 2.300 метри, а неколку куќи веќе се приклучени на новоизградената мрежа.

   Министерот за транспорт и врски во Владата на РМ, Миле Јанакиески утре ( сабота 17.01 ) ќе престојува во еднодневна работна посета на општина Неготино. Според утврдената агенда, Јанакиески заедно со градоначалникот на општина Неготино Ванчо Апостолов во 11.00 часот најпрво ќе го посетат селото Тремник каде што во употреба ќе го пуштат објектот „ Фекална канализација во село Тремник “ – проект кој е комплетно завршен со средства во висина од 13.000.000 денари. Веднаш потоа, од 11,30 часот на пригодна свеченост во функција ќе биде ставено мултинаменското игралиште во населбата Саат-кула изградено со средства од Агенцијата за млади и спорт на РМ во вредност од 7 милиони денари, а работната посета министерот Јанакиески ќе ја заврши во кабинетот на градоначалникот каде што од 12,00 часот ќе бидат доделени решенија за легализација на бесправно изградени објекти во општина Неготино.

Младите лица од здруженијата на млади, ученичките совети и други регистрирани облици на организирање на младите  кои учествуваа во Проектот „Развој на локални младински политики и локално младинско учество во 12 општини“,кој беше спроведен од страна на Младински Образовен Форум и Центарот за Меѓукултурен дијалог во партнерство со 12 општини од Македонија меѓу кои е и општина Неготино и е финансиран од Европската унија, до Советот на општина Неготино во согласност со Статутот на општината, поднесоа иницијатива за избор на нови членови на Советот на млади на општина Неготино кој претставува претставничко тело на младите од општина Неготино и кое вклучува претставници од граѓански организации, културни уметнички друштва, помладоци на политички партии, претставници од преседателството на училишните заедници и други форми на младинско  организирање.

 Сите заинтересирани организации и поединци кои ги исполнуваат критериумите за членство треба да ги достават своите апликации до Архивата на општина Неготино најкасно до 06.02.2015 година со следните документи:
1.Портфолио за работа на организацијата/неформалната група/ помладоци на политички партии/ разни облици на здржување
2. Официјално писмо за номинација на член од организацијата/неформалната група/ помладоци на политички партии/ разни облици на здржување  кое содржи портфолио со информации за организацијата и исполнување на критериумите за работа наведени во правилникот за работа
3. CV и Мотивационо писмо за учество од претставникот кој сака да се вклучи во младинскиот совет.

На предлог на Комисијата за мандатни прашања, избори и именувања како постојано работно тело на Советот на општина Неготино,  Советот на Општината ќе ги избере новите членови на Советот на млади.
Ви стоиме на располагање за дополнителни информации на оваа мејл адреса: This e-mail address is being protected from spambots. You need JavaScript enabled to view it

Правилник за работа

Повик ЛМС

Пријава на делегат

   Ниту ниските температури и екстремно студеното време не ги спречија присутните граѓани кои одлучија „најлудата ноќ“ да ја дочекаат на градскиот плоштад да создадат весела атмосфера и разиграно да ја дочекаат Новата 2015-та година. Можеби бројот на присутните во однос на предходните години беше нешто помал поради ладното време, но затоа пат атрактивната естрадна уметничка Руса Андова и членовите на групата Антигона-бенд и покрај студот се потрудија со одличен репертоар на песни и ора да го подигнат расположението кај посетителите, а сето тоа резултираше со внесување позитивна енергија кај граѓаните, фаќање на оро и пеење заедно со Андова која пријатни изненади со својот одличен настап. На полноќ, кога стрелките на часовникот се поклопија имаше спектакуларен огномет-еден од најатрактивните последниве години, а прв Новата година на присутните им ја честита градоначалникот на општина Неготино Ванчо Апостолов посакувајќи им пред се здравје, среќа, успех и се најдобро во Новата година. Организираниот дочек на градскиот плоштад помина во бескпрекорна атмосфера и без ниту еден ресгистриран инцидент.

   Во пресрет на дочекот на Новогодишната ноќ во доцните вечерни часови градоначалникот на општина Неготино Ванчо Апостолов оствари работна посета на неколку установи и институции каде што вработените „најлудата ноќ“ ја дочекуваат на своите работни места. Најпрво Апостолов оствари средба со претставниците на 6-члената дежурна екипа на неготинската полиција задржувајќи се притоа во краток разговор со нив, посакувајќи им да имаат што помалку работа што и се оствари бидејќи како што официјално сме информирани за новогодишната ноќ не е регистриран ниту еден посериозен инцидент, им посака среќна Нова година и им додели пригодни подароци кои ги добија и двајцата дежурни пожарникари од ТППЕ-Неготино. Средба беше остварена и со дежурниот од Агенцијата што ја обезбедува зградата на општина Неготино, како и со 6-члената екипа од доктор и медицински персонал кои за време дочекот на Новата година беа дежурни во Итната медицинска помош при Здравствениот дом Неготино. И во оваа прилика на дежурните Апостолов им додеки пригодни подароци, а според последните информации дежурната служба речиси била без работа и со само неколку рутински прегледи.