Во среда на 20 мај на градскиот плоштад во Неготино со почеток од 10,20 часот во организација на Општинскиот противпожарен сојуз, а под покровителство на Противпожарниот сојуз на Македонија и општина Неготино ќе се изврши тактичко показна вежба „Спасување и извлекување на повредени лица од возила при сообраќајни несреќи“, како и „Гасење на пожар на запалливи течности со проптивпожарен апарат“. Пред почетокот на вежбите, поздравен говор до присутните ќе имаат претставникот на Општинскиот противпожарен сојуз и градоначалникот на општина Неготино Ванчо Апостолов, а во вториот дел од програмата сите присутни на градскиот плоштад ќе можат да ја погледнат и преку презентација да се запознаат со противпожарната опрема со која располага Територијалната противпожарна единица од Неготино.

Флаер

Апликација

   Во организација на општина Неготино, а во соработка со Градскиот шаховски клуб “Неготино”, оваа година по четврти пат ќе се одржи Отвореното градско првенство во шах – Неготино 2015. Првенството ќе започне на 22 мај (петок) во 17.00 часот, и ќе се одржува во ТИЦ Желкова куќа (на вториот кат). Истото ќе го отвори покровителот на овој настан – Градоначалникот на општина Неготино г-нот Ванчо Апостолов. Право на учество на првеството имаат сите заинтересирани граѓани на општина Неготино. Наградниот фонд за најдобрите учесници на турнирот изнесува 17.000 денари. Пријавувањето за учество се врши кај претседателот на ГШК Неготино ВМ Трајче Недев, на тел. број 075/416-496, надоцна до 22 мај (петок) до 13.00 часот.

ЈАВЕН ОГЛАС

за

Работно ангажирање на невработени лица-активни баратели на работа

1.     Се повикуваат невработените евидентирани лица кои потешко се вклучуваат на пазарот на труд и од другите ранливи категории,кои се заинтересирани за ангажирање во сферата на социјалната заштита за потребите на граѓаните од Неготино, да се пријават во работниот клуб на Центарот за вработување на АВРМ – Неготино во периодот од 15.05-22.05.2015( 8 дена).

2.     Ангажирањето во сферата на социјалната заштита е на определено скратено работно време со склучување на договор за работно ангажирање во период од 6 месеци за што ќе се исплаќаат по 6200,00 ден. за лице месечно за 20 работни часа седмично, со вклучени персонален данок на доход и осигурување во случај на несреќа при работа и професионално заболување.