Олдтајмер клубот „ Класик“  во соработка со Општина Неготино и градоначалникот Ванчо Апостолов  викендов ја организираа  манифестациjата Олдаимер Викенд 2016 - Автомобилизам – Туризам на која  учество зедоа сопственици на олдтајмер возила од Македонија и соседните држави. Манифестацијата беше од спортско рекреативен карактер со запознавање на културните и историските места во Македонија со олдтајмер возила кои ја спојуваат историјата и културата. Интересот на олдаимер изложбите е голем и буди емоции и сеќавање на возилата од минатoто, а младите генерации го гледаат прогресот на автомобилот во годините. На настанотк кој се одвиваше на градскиот плоштад беа изложени околу 15 автомобили и неколку моторцикли, а во знак на благодарност за помошта при реализацијата на изложбата, организаторите на градоначалникот Апостолов и на општина Неготино им доделија благодарници.

   „Огромна чест и задоволство е што токму Неготино и неговиот градски стадион се избрани за одржување на тренинг кампот на Англискиот премиерлигаш и фудбалски гигант Арсенал на кој млади фудбалери од Југоистична Европа ќе можат да ги покажат своите фудбалски вештини“- истакна градоначалникот на општина Неготино Ванчо Апостолов кој го посети кампот и ја следеше неговата работа, а оствари и средба со „ловецот на фудбалси таленти“ на Арсенал Лакис Папајоану. Инаку, Папајоану во Неготино раководи со фудбалслкиот „Арсенал камп“ за талентирани фудбалери од Југоисточна Европа, а оваа година честа да биде домаќин ја имаше градскиот стадион и градот Неготино чиј прв човек градоначалникот Ванчо Апостолов оствари средба со „скаутот“ на Арсенал и се задржа во краток разговор со неготино. Инаку, во работата на кампот учествуваат 70 млади фудбалери од Македонија, Србија, Грција и Албанија генерација од 2001-2003 година и 2004-2008 година кои добиваат инструкции и тренираат по теркот со кој се работи со младите фудбалери на Арсенал.

   Градоначалникот на општина Неготино Ванчо Апостолов денеска во својот работен кабинет ги прими ракометарките и ракометарите на „Вардар“ од Неготино придружувани од тренерите и членовите на Управата кои ја претставуваа Република Македонија на Меѓународен турнир во ракомет што се одржа во Германија на кој учествуваа вкупно 80 екипи од повеќе држави. На турнирот кој се играше на тревна површина, а секој меч траеше по 15 минути,  машката екипа на Вардар во конкуренција на 8 екипи го освои одличното второ место со 6 победи и само 1 пораз, додека ракометарките го освоија четвртото место во конкуренција на 8 екипи. Градоначалникот Апостолов им го честиташе успехот на двете екипи на РК„Вардар“ истакнувајќи дека како и останатите спортисти и спортски клубови, и ракометарите и ракометарките  ја имале и ќе ја имаат неговата поддршка во рамките на можностите на општината со единствена цел за унапредување на спортот во општината. Членовите на Управата и играчите му се заблагодарија на Апостолов за поддршката и истакнаа дека и понатаму со макотрпна работа и дисциплина ќе се трудат да постигнуваат резултати со кои ќе се афирмира општина Неготино и Република Македонија.