Со тридневна програма и со спроведување на бројни настани и активности општина Неготино и оваа година на пригоден начин го прослави празникот на општината 8-ми Ноември. По повод одбележувањето на Денот на ослободувањето, градоначалникот на општина Неготино Ванчо Апостолов во својот кабинет приреди прием за претставниците на делегациите кои се присутни во нашиот град и заедно со граѓаните на Неготино го чествуваат празникот, а веднаш потоа на спомен-бистите на паднатите броци во НОБ делегациите положија свежо свеќе. Централниот настан во рамките на одбележувањето на празникот-свечената седница на Советот на општина Неготино која ја отвори претседателот Јордан Паунов се одржа во преполнетата сала на Центарот за култура во нашиот град, на која пак за реализираните активности во изминатиот едногодишен период помеѓу двата празника и проектите кои се во тек или се планирани да се спроведат пригодно обраќање имаше градоначалникот на општина Неготино Ванчо Апостолов. Во рамките на свечената седница беа доделени признанијата и наградата по повод 8-ми Ноември, а седницата заврши со културно уметничка програма.

   Синоќа (08.11.) заврши осмиот традиционален турнир во табла “Неготино 2016”, кој беше организиран во рамките на програмата за одбележување на Денот на градот – 8ми Ноември. На турнирот учество зедоа 64 учесници, кои од 6 до 8 ноември одиграа многу интересни мечеви, а најдобрите по систем на елиминација дојдоа до завршницата. Победник на турнирот е Драган Доневски единствениот таблаџија на кој по вторпат му појде од рака да го освои овој масовен турнир. За постигнатиот резултат победникот доби диплома и парична награда од 7.000 денари, додека поразениот во финалето и вицешампион на турнирот Филип Давидовиќ доби диплома и парична награда од 5.000 денари. Третопласиран на турнирот е Зоран Недев кој покрај диплома за трето место заработи и награда од 3.000 денари. Покрај наградите за најдобрите тројца учесници, беа доделени и благодарници за учество турнирот на најстарите двајца учесници.

   Она што им го ветивме на жителите на Пепелиште, го исполнивме. Новоизградениот резервор за вода со зафатнина од 250 метри кубни и потисниот цевковод во должина од 1.260 метри се веќе ставени во функција и водата од резервоарот пристигнува до домовите на месното население како во ниската, така и во високата зона. На овој начин успеавме да решиме еден децениски проблем на жителите на Пепелиште кој се однесуваше на недостигот од вода за пиење, а водата од новиот резервоар е достапна и до стопанските капацитети кои функционираат на ова подрачје.

Во текот на денот решивме уште еден горлив проблем за граѓани на Неготино кои живеат на улица која се спојува со улицата „Фемо Кулаков“. Имено, во текот на денот на задоволство на жителите кои повеќе од 30 години се соочуваа со проблеми при движењето, ја бетониравме улицата во должина од 110 метри на површина од 500 м2 и со поставување на 60 до 70 тони бетон. Станува збор за една од ретките неасфалтирани улици во градот, па сега газењето кал е минато за населението и тие пеш и со возила ќе можат да се движат по уредена и бетонирана улица.

Следејќи ја динамиката на изведување на работите, до крајот на овој месец очекуваме да заврши изградбата на двојниот тениски терен со тврда подлога кој се гради во населбата Саат-кула и со чија изградба ќе дојде до заокружување на проектот Неготино и неговите граѓани да добијат уште еден спортско-рекреативен центар. По извршеното  бетонирање на терените, поставена е ограда и столбови за осветлување за да можат терените да се користат и во ноќните часови, а во периодот пред нас се очекува финализирање на работите со поставување акрилна подлога и неопходните елементи за еден двоен тениски терен.

   Традиционално, во рамките на одбележувањето на празникот на општина Неготино 8-ми Ноември во организација на локалната самоуправа се одржува турнирот во табла на кој во изминатиот период за учество можеа да се пријавуваа сите заинтересирани „таблаџии“. Турнирот во присуство на сите учесници за отворен го прогласи градоначалникот на општина Неготино Ванчо Апостолов кој на пријавените играчи им посака многу занење и среќа при одигрувањето на натпреварите, а на крајот нека победи најдобриот. Инаку, и оваа година имаше голем интерес за учество на турнирот на кој ќе се натпреваруваат околу 70 познавачи на оваа игра, а за најуспешните од страна на организаторот општина Неготино е обезбеден фонд на награди кој ќе им биде поделен на најуспешните по завршувањето на мечевите. Турнирот во табла „Неготино 2006“ ќе трае од 06 до 08 ноември, оваа година.

   Традиционално, како и секоја, така и оваа година во организација на општина Неготино и Здружението на спортски риболовци Вардар од нашиот град по повод празникот 8-ми Ноември се одржа натпреварот во спротски риболов во водите на реката Вардар. На годинашниот натпревар учество зедоа околу 30 риболовци од 9 спортско-риболовни друштва од Република Македонија кои се натпреваруваа во екипна и поединечна конкуренција. По завршувањето на натпреварувачкиот дел во просториите на манстирот Свети Ѓорѓи на заедничкото другарување на сите учесници, наградите и признанијата на најдобрите им ги врачи градоначалникот на општина неготино Ванчо Апостолов.