Со средства од Буџетот на општина Неготино во изминатиот период се одвиваше и заврши изградбата на новата фонтана во нашиот град која е лоцирана на Градскиот плоштад и која веќе неколку денови е ставена во функција на задоволство на граѓаните-посетители на централното градско подрачје кои во текот на целиот ден, а посебно во вечерните часови, застануваат и со интерес го следат работењето на новоизградената фонтана. Фонтаната е изградена според сите пропишани стандарди, за непречено нејзино функционирање вградени се сите неопходни елементи, а она што истата ја прави посебно атрактивната се поставените светлосни уреди. Би сакал да ја информирам пошироката јавност дека потрошувачката на вода за работењето на фонтаната е минимална и изнесува само 5 метри кубни во текот на еден цел месец, а како што тоа го правевме и во изминатиот четирогодишен период кога е во прашање реализирањето на проекти за подобрување на водоснабдувањето, со иста посветеност и динамика продолжуваме и во иднина, со единствена цел граѓаните на општина Неготино да ги почуствуваат благодетите во делот на водоснабдувањето од сите реализирани проекти.

   Работници на фирмата „Изградба“ од Струмица, која понуди најповолни услови на јавното наддавање и која е актуелен изведувач на работите, се присутни на терен и реализираат земјени активности од третата фаза како подготовка за асфалтирање на нови 630 метри од патниот правец Горни Дисан-Вешје. Станува збор за проект вреден 260.000 евра со кои ќе се асфалтираат нови 630 метри со ширина на патот од 5,5 метри според пропишаните стандарди за изградба на регионален патен правец. Инаку, во првата фаза беа асфалтирани 800 метри, во втората со средства од проект за прекугранична соработка 430 метри, третата фаза е во должина од 640 метри, а како што информира градоначалникот на општина Неготино Ванчо Апостолов асфалтирањето на преостанатите 250 метри од овој патен правец се обврска на локалната самоуправа. Паралелно, финишираат и активностите околу ставањето во функција на новата фонтана која се гради на Градскиот плоштад која, според Апостолов, ќе биде гордост на неготинци и чие пробно работење се очекува да се случи во текот на наредните неколку денови.

  Штандот за продажба на локални производи поставен во близина на автопатот Е-75, на влезот од Неготино. На настанот, кој се оддржа пред ресторан „Антигона“ на влезот од Неготино, учествуваа претставници од локалната акциска група, производители чии производи се продаваат на штандот, како и претставници од општините Неготино, Демир Капија и Кавадарци.  „На штандот ќе бидат застапени производи од локални производители кои сами не можат да се појават на пазарот, а штандот им нуди  можност Локалната акциска група „Тиквешка Винска Долина“ го  одбележа отворањето на на едно место да се претстават заеднички и да остварат дополнителни приходи “ – изјави Василка Косева, од Локалната акциска група „Тиквешка Винска Долина“. „Истовремено, штандот ќе ја зголеми и видливоста на Тиквешијата како регион во кој се произведуваат квалитетни, автентични производи со кои доследно ќе може да се претстави Македонија на странските туристи “ – додаде таа. Локалната акциска група Тиквешка Винска Долина е здружение составено од претставници од приватниот, невладиниот и јавниот сектор, кое веќе две години работи на поддржувањето на регионалниот развој на Тиквешкиот микро-регион. Поставувањето и работењето на штандот се спроведува како дел од пилот-активност на Тиквешка Винска Долина во склоп на Проектот за операционализација на ЛЕАДЕР пристапот во РМ.  Проектот е спроведен од страна Асоцијацијата за иновации во руалната економија (АИРЕ), финансирана од страна на Амбасадата на Швајцарија во Република Македонија. Со поддршката од Амбасадата, АИРЕ поддржува девет локални акциони групи во Македонија со цел да ги изгради нивните капацитети за пристапување до финансиски средства од домашни и странски донатори

    Градоначалникот на општина Неготино Ванчо Апостолов имаше средба и му додели плакета за 20 години придонес во областа на спортот и афирмација на општина Неготино и Република Македонија Тоше Зафиров-бодибилдер кој во исклучително богатата и успешна спортска кариреа има освоено се што еден спортист може да освои. Токму тоа беше поводот градоначалникот Апостолов да му додели плакета искажувајќи го притоа своето задоволство и чест што Зафиров потекнува од Неготино и во изминатите 20 години спортска кариера преку настапи на врвни домашни, европски и светски натпреварувања придонесува за афирмација на нашиот град и на нашата држава Македонија. Апостолов порача младите да го следат примерот на Тоше и да инвестираат во спортот, а општината и градоначалникот помагале и ќе ги помагаат сите спортисти и спортски клубови, паралелно преку изградба на спортски сали, мултинаменски игралишта, тениски терени и други спортски содржини да имаат места каде што би го започнувале остварувањето на својот спортски сон.

   Се интензивираат градежните работи во Индустриската зона Неготино. По неодамнешното стартување на работите за расчистување на теренот, деновиве градежната механизација е активна преку изведување земјени работи на 2 парцели во ИЗ Неготино. По завршувањето на овие работи следува и изградбата на стопанско индустриски капацитети од страна на инвеститорот на споменатите 2 од вкупно 17 градежни парцели. Инаку, Индустриската зона Неготино се протега на површина од 25 хектари